На валутните пазари, вредноста на доларот во однос на кошничката валути благо падна минатата седмица, првпат по шесте седмици раст, бидејќи ублажувањето на инфлацијата во САД ги обнови шпекулациите за намалување на каматните стапки од страна на американската централна банка.
Индексот на доларот, кој ја мери вредноста на американската во однос на шесте главни светски валути, падна за 0,2 отсто минатата седмица, на 109,41 поени.
Американската валута ослабе во однос на јапонската, за 0,9 отсто, па нејзиниот курс се лизна на 156,30 јени. Јапонската валута значително зајакна во однос на американската валута, бидејќи се очекува јапонската централна банка наскоро да ги зголеми каматните стапки за да спречи зголемување на инфлацијата.
Курсот на еврото во однос на доларот се зголеми за 0,25 отсто, на 1,0270 долари. Европската централна банка (ЕСВ), сепак, се очекува наскоро да го продолжи циклусот на намалување на каматните стапки, па еврото зајакна само минимално во однос на доларот.
По шест седмици континуиран раст, доларот благо ослабна минатата седмица. Ова е последица на ублажувањето на инфлацијата во САД.
Имено, минатата седмица беше објавено дека потрошувачките цени во декември се зголемени за 0,4 отсто на месечно ниво, додека во целата минатата година пораснале за 2,9 отсто. Ова е за 0,1 процентен поен помала инфлација од очекувањата на аналитичарите.
Благодарение на ова, повторно зајакнаа шпекулациите за намалување на каматните стапки од страна на централната банка на САД. Пазарот проценува дека Fed би можел да ги намали каматните стапки на состанокот во јуни. Дотогаш, велат аналитичарите, челниците на централните банки ќе го следат влијанието на политиката на Доналд Трамп, кој во понеделник ја презема Белата куќа, врз економијата и инфлацијата.
Слични новости
Минималната кошница ќе ја формираат сикдикатите, ДЗС, ОПМ и министерствата за финансии и за економија
Не е постигнат договор за минималната плата, но ќе има официјална потрошувачка кошница што ќе ја креираат синдикатите, Државниот завод за статистика, Организација на потрошувачи, како и министерствата за економија и за финансии
Aнгеловска-Бежоска: Реформите се важен фактор за привлекувањето странски инвестиции
Реформите, вклучувајќи го и усогласувањето на нашата регулатива и практики со европските, се значаен фактор за привлекување странски директни инвестиции. А странските директни инвестиции во малите економии како нашата вообичаено се еден од двигателите на економскиот раст“, истакна гувернерката на Народната банка
Пад на брзите во Европа и Азија поради американските царини
Европските берзи остро паднаа во понеделникот наутро, бидејќи инвеститорите стравуваа од трговска војна, откако Вашингтон воведе царини на увозот од Канада, Мексико и Кина, а исто така и се закани на Европската унија