На валутните пазари, вредноста на американскиот долар во однос на кошницата валути падна во средата претпладнето, втор ден по ред, спуштајќи се близу најниското ниво во последните три месеца.
Индексот на доларот, кој ја покажува вредноста на американската во однос на другите шест најважни светски валути, претпладнево се движи околу 105,55 поени, додека вчера во истиот пресек од тргувањето изнесуваше 106,45 поени.
Курсот на доларот во однос на јапонската валута се зголеми од вчерашните 148,70 на 149,75 јени.
Сепак, американската валута ослабна во однос на европската, па цената на еврото се искачи на 1,0630 долари, додека вчера во овој момент изнесуваше 1,0490 долари.
Цените на нафтата паднаа. Цената на барелот на лондонскиот пазар претпладнево падна за 0,37 отсто, на 70,75 долари, додека на американскиот пазар барелот поевтини за 0,89 отсто, на 67,65 долари.
Слични новости
Цените на нафтата пораснаа до 71 долар
Цените на нафтата пораснаа во средата на меѓународните пазари до 71 долар, поттикнати од знаците за посилна побарувачка во САД
Кина и на почетокот од 2025. бележи најголем скок во продажбата на електрични автомобили
Кина остана на врвот на глобалното рангирање во однос на скокот на продажбата на електрични возила во февруари, при што Европа и Северна Америка исто така забележаа двоцифрен раст
Одржана редовна седница на Извршниот одбор на НБ за монетарната политика
На седницата беше оценето дека тековната поставеност на монетарната политика е соодветна на условите во економијата, но и на ризиците, коишто и натаму постојат и се нагласени