На светските пазари, американскиот долар падна во однос на кошничката валути минатата седмица, трата по ред, бидејќи американската централна банка ги намали клучните каматни стапки по третпат оваа година.
Индексот на доларот, кој ги искажува перформансите на американската во однос на шесте главни светски валути, падна за 0,6 осто минатата седмица, на 98,40 поени, близу до најниското ниво за два месеца.
Во исто време, доларот ослабе за 0,8 отсто во однос на европската валута, така што курсот на еврото достигна 1,1740 долари, највисоко ниво за повеќе од два месеца. Американската валута, пак, зајакна во однос на јапонскиот јен, за 0,3 отсто, така што цената на доларот достигна 155,80 јени.
На долгоочекуваниот состанок, челнциите на Fed во средата одлучија да ги намалат каматните стапки за уште 0,25 отстотни поени, во опсегот од 3,50 до 3,75 отсто. Третото намалување на каматните стапки од септември беше широко очекувано од пазарот, како и очекувањето дека Федералните резерви ќе продолжат да ја олабавуваат монетарната политика следната година.
Сепак, според претставниците на Федералните резерви, каматните стапки ќе бидат намалени само еднаш следната година за 0,25 процентни поени, бидејќи инфлацијата останува далеку над целното ниво од околу 2 отсто. Од друга страна, претставниците на Федералните резерви ги зголемија своите проценки за економскиот раст на САД следната година од 1,8 на 2,3 отсто, а исто така проценуваат дека стапката на невработеност ќе биде 4,4 отсто на крајот од следната година.
На прес-конференција, претседателот на Федералните резерви, Џером Пауел, не откри дали каматните стапки наскоро ќе бидат дополнително намалени, но инвеститорите очекуваат дека тоа ќе се случи, со оглед на тоа што Пауел нагласи дека постои значителен ризик за пазарот на трудот и дека централната банка не сака да ја забави вработеноста со својата монетарна политика.
Доларот падна за 1,1 процент во однос на кошничката валути од почетокот на декември и за повеќе од 9 отсто од почетокот на годината, на пат кон најголемата годишна загуба од 2017 година.
„Доларот падна оваа недела и беше во минус во првиот дел од декември. Дали тоа се должи на намалувањето на каматната стапка од страна на Fed? Да, делумно“, рече Боб Севиџ, стратег во BNY.
Слични новости
На Холандија ѝ се потребни најмалку 150 милијарди евра инвестиции во продуктивноста
На Холандија ѝ се потребни најмалку 150 милијарди евра инвестиции во следните десет години за да ја подобри продуктивноста, заедно со олабавени регулативи за имиграција на висококвалификувани странски работници и подобрено снабдување со електрична енергија
Јужна Кореја вложува над 5 милијарди евра во вештачка интелигенција
Владата на јужна Кореја претстави амбициозен план за вложување на над 5,3 милијарди евра во формирање на најголемиот регионален кластер за напредни чипови и вештачка интелигенција.
Светските берзи паднаа, технолошкиот сектор под притисок
Иако американските Федерални резерви ги намалија каматните стапки, повеќето светски берзи паднаа минатата седмица, главно поради падот на цените на акциите во технолошките компании кои развиваат вештачка интелигенција