На валутните пазари, вредноста на американскиот долар во однос на кошничката валути падна во раното претпладневно тргување во петокот, и е на пат да забележи седмична загуба од околу 0,45 отсто.
Индексот на доларот, кој ја искажува изведбата на американскиот долар во однос на другите шест главни светски валути, утрово се движи околу 99,11 поени, блиску до најниското ниво во три седмици, додека вчера во истиот пресек од тргувањето изнесуваше 99,56 поени.
Истовремено, курсот на доларот во однос на јапонската валута се лизна од вчерашните 154,95 на 154,45 јени.
Американската валута ослабе и во однос на европската валута, па цената на еврото достигна 1,1640 долари, додека вчера во истото време чинеше 1,1585 долари.
Цените на нафтата, од друга страна, пораснаа. На лондонскиот пазар, цената на барелот утрово порасна за 1,59 отсто, на 64,00 долари, додека на американскиот пазар, барелот поскапе за 1,69 отсто, на 59,70 долари.
Слични новости
Секоја четврта продавница не издава фискални сметки
До крајот на ноември годинава, Управата за јавни приходи (УЈП) спровела околу 4.000 контроли за регистрирање на готовинскиот промет, што претставува зголемување за 2,5 пати во однос на истиот период минатата година
Доларот падна во однос на кошничка валути втора седмица по ред
На светските пазари, вредноста на американскиот долар во однос на кошничка валути падна минатата седмица, втора по ред, бидејќи инвеститорите веруваат дека американската централна банка ќе ги намали клучните каматни стапки следната седмица
Раст на светските берзи, се чека намалување на каматните стапки во САД
Цените на акциите на светските берзи пораснаа минатата седмица, втора по ред, благодарение на верувањето на инвеститорите дека американската централна банка ќе ги намали каматните стапки следната седмица