На валутните пазари во петокот во раното претпладневно тргување, вредноста на американскиот долар во однос на кошничката валути падна втор ден со ред.
Индексот на доларот, кој ги искажува перформансите на американската во однос на другите шест најважни светски валути, претпладнево се движи околу 99,82 поени, додека вчера во истиот пресек изнесуваше 100,05 поени.
Истовремено, курсот на доларот во однос на јапонската валута се лизна од вчерашните 153,85 на 153,25 јени.
Американската валута, исто така, ослабе во споредба со европската, па цената на еврото достигна 1,1535 долари, додека вчера во истиот период од трегувањето чинеше 1,1505 долари.
Цените на нафтата, од друга страна, надоместија дел од вчерашните загуби. На лондонскиот пазар цената на барелот претпладнево порасна за 0,60 отсто, на 63,75 долари, додека на американскиот пазар цената на барелот се зголеми за 0,64 отсто, на 59,80 долари.
Слични новости
Цените на нафтата над 63 долари
Цените на нафтата останаа над 63 долари на меѓународните пазари во петокот, со пригушено тргување поради празникот во САД и воздржаност пред состанокот на водечките производители за снабдување
Биткоинот го продолжува бавното закрепнување, порасна на 79.576 евра
Вредноста на биткоинот на најголемата светска берза на криптовалути Бајненс порасна за 1,3 насто на 79.576 евра што укажува на продолжување на благо опоравување на пазарот.
Од 1 декември поскапува парното греење, сметките повисоки за околу 130 денари
Од 1 декември цената на топлинската енергија за домаќинствата ќе се зголеми во просек од 5.9 проценти, соопшти денеска претседателот на Регулаторната комисија за енергетика, Марко Бескимовски