На валутните пазари во средата во работо претпладневно тргување падна вредноста на американскиот долар во однос на кошницата со валути.
Индексот на доларот, кој ги искажува вредноста на доларот во однос на другите шест главни светски валути, претпладнево се движи околу 106,17 поени, што е блиску до најниското ниво оваа година, додека вчера во истиот момент од тргувањето изнесуваше 106,75 поени.
Курсот на доларот во однос на јапонската валута се лизна од вчерашните 149,70 на 149,40 јени.
Американската валута ослабе и во однос на европската, па цената на еврото достигна 1,0505 долари, додека вчера во овој момент беше 1,0475 долари.
Цените на нафтата, пак, вратија дел од вчерашните загуби. Цената на барелот на лондонскиот пазар претпладнево порасна за 0,26 отсто, на 73,20 долари, додека на американскиот пазар цената на барелот порасна за 0,25 отсто, на 69,10 долари.
Слични новости
Германскиот производител на оружје го престигна VW по пазарна капитализација
Најголемиот европски производител на оружје „Rheinmetall“ го престигна водечкиот европски производител на автомобили „Volkswagen“ (VW) по пазарна капитализација во четвртокот на бранот побарувачка за акции во компаниите во секторот, предизвикан од најавата за повисоки трошоци за одбраната во Европа
Нафтата поевтини кон 70 долари
Цените на нафтата паднаа до 70 долари на меѓународните пазари во четвртокот, бидејќи инвеститорите беа преокупирани со најавите за нови царини, засенувајќи ги знаците за поголема побарувачка во САД
Трамп се закани со царини од 200 отсто за алкохолите, ако ЕУ не ги укине царините за виски
Американскиот претседател Доналд Трамп во четвртокот изјави дека ќе воведе царини од 200 отсто за сите вина и други алкохолни производи од Европската унија, доколку Унијата не ги укине царините за американското виски