На валутните пазари, вредноста на америакнскиот долар во однос на кошничката валути зајакна во раното претпладневно тргување во четвртокот, бидејќи записниците од последниот состанок на челниците на американската централна банка покажаа дека тие се претпазливи во врска со натамошните намалувања на каматните стапки, бидејќи пониските трошоци за задолжување би можеле да го отежнат справувањето со инфлацијата, која е сè уште далеку над нивната цел од 2 отсто.
Како резултат на тоа, се намалија очекувањата дека Fed дополнително ќе ги намали каматните стапки во декември, по намалувањата во септември и октомври за по 0,25 отстотни поени.
Индексот на доларот, кој ја искажува вредноста на американската во однос на другите шест главни светски валути, е околу 100,25 поени утрово, додека вчера во истиот пресек од тргувањето изнесуваше 99,60 поени.
Истовремено, курсот на доларот во однос на јапонската валута се зголеми од вчерашните 155,30 на 157,45 јени, највисоко ниво во последните 10 месеци.
Американската валута зајакна и во однос на европската валута, при што еврото се лизна на 1,1510 долари, што е најниско ниво во последните две седмици од вчерашните 1,1590 долари во истиот период од тргувањето.
Цените на нафтата, пак, надоместија дел од вчерашните загуби. На лондонскиот пазар, цената на барелот утрово се зголеми за 0,31 отсто на 63,70 долари, додека на американскиот пазар, цената на барелот се зголеми за 0,37 отсто на 59,65 долари.
Слични новости
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации
РКЕ ги намали надоместоците за дистрибуција, пренос и за операторот на пазарот на електрична енергија
Регулаторната комисија за енергетика (РКЕ) за 3,64 отсто го намали надоместокот за дистрибуција на електрична енергија, односно за користење на електродистрибутивниот систем на Електродистрибуција од 1 јануари 2026 година