На валутните пазари вредноста на доларот во однос на кошничката валути се зголеми трет ден по ред во претпладневното тргување во четвртокот
Индексот на доларот, кој ја покажува вредноста на американската во однос на другите шест најважни светски валути, претпладнево е околу 98,97 поени, додека вчера во истиот пресек од тргувањето изнесуваше 98,88 поени.
Во исто време, курсот на доларот во однос на јапонската валута се зголеми од вчерашните 151,80 на 152,20 јени.
Американската валута, исто така, зајакна во споредба со европската, па цената на еврото се лизна на 1,1605 долари, додека вчера во истото време чинеше 1,1610 долари.
Цените на нафтата, од друга страна, остро пораснаа откако Вашингтон воведе санкции против руските нафтени гиганти „Лукоил“ и „Росњефт“ наводно за да изврши притисок врз Русија за мировни преговори со Украина.
На лондонскиот пазар, цената на барелот претпладнево порасна за 3,13 отсто, на 64,55 долари, додека на американскиот пазар, цената на барелот порасна за 3,25 отсто, на 60,40 долари.
Слични новости
Цените на нафтата на 64 долари
Цените на нафтата се искачија на 64 долари во петокот на меѓународните пазари, а инвеститорите шпекулираат дека намалената понуда од Венецуела во случај на воена интервенција на САД ќе ги принуди кинеските и американските рафинерии да бараат замена
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации