На валутните пазари, вредноста на американскиот долар во однос на кошничката валути во раното претпладневно тргување во понеделникот се искачи близу до највисокото ниво за три месеца, бидејќи доларот е поддржан од пораките од американската централна банка дека натамошните намалувања на каматните стапки во декември не се сигурни.
Индексот на доларот, кој ја покажува вредноста на американскиот долар во однос на другите шест главни светски валути, е околу 99,82 поени утрово, додека во петокот навечер изнесуваш 99,72 поени.
Истовремено, курсот на доларот во однос на јапонската валута зајакна за 0,10 отсто, на 154,15 јени.
Американската валута зајакна и во однос на европската, па цената на еврото се лизна на 1,1525 долари, близу до најниското ниво за три месеца, додека во петокот навечер чинеше 1,1535 долари.
Цените на нафтата, од друга страна, се зголемија откако паднаа за околу 1 отсто минатата седмица. На лондонскиот пазар, цената на барелот утрово се зголеми за 0,54 отсто, на 65,10 долари, додека на американскиот пазар, цената на барелот се зголеми за 0,56 отсто, на 61,30 долари.
Организацијата на земјите извознички на нафта (OPEC) и сојузниците на картелот на состанокот во неделата во декември одлучија да го зголемат производството само за 137.000 барели дневно, исто како во октомври и ноември, а значително помалку отколку во септември.
Дополнително, грипата OPEC+ соопшти дека нема да го зголемат производството во првиот квартал од следната година, што укажува дека не се очекува значителен раст на побарувачката и дека, во случај на натамошно зголемување на производството, може да има презаситеност на пазарот.
Слични новости
Третина од шпанските сертификати за извоз на свинско блокирани поради африканската чума
Околу една третина од шпанските сертификати за извоз на свинско месо е блокиран, откако избувна африканска чума кај свињите во Шпанија, за прв пат во последните 30 години, соопшти министерот за земјоделство на Шпанија Луис Пианас.
Цените на нафтата паднаа под притисок на страхувањата за прекумерна понуда
Цените на нафтата и денеска се пониски, под притисок на стравувањата за прекумерна понуда и се движат кон четврти последователен месечен пад, најдолг во низа во последните две години.
Крај на повеќемесечната нестабилност на европските акции
Акциите на европските берзи се во плус, по бурниот месец предизвикан од неизвесностите околу перспективите на раст на компаниите поврзани со работата на вештачката интелигенција.