На валутните пазари, вредноста на американскиот долар во однос на кошничка валути се зголеми по двата дена пад во претпладневното тргување во средата.
Индексот на доларот, кој ја покажува вредноста на американската во однос на другите шест најважни светски валути, претпладнево е околу 98,40 поени, додека вчера во истиот пресек од тргувањето изнесуваше 98,29 поени.
Истовремено, курсот на доларот во однос на јапонската валута се зголеми од вчерашните 154,75 на 155,10 јени.
Американската валута зајакна и во споредба со европската, па цената на еврото се лизна на 1,1725 долари, додека вчера во истиот период чинеше 1,1750 долари.
Цените на нафтата, од друга страна, ги надоместија поголемиот дел од вчерашните загуби, кога се лизнаа на најниските нивоа од 2021 година. Цените од утрово беа поттикнати од веста дека американскиот претседател Доналд Трамп нареди целосна блокада на влезот и излезот на сите танкери под санкции од Венецуела.
На лондонскиот пазар, цената на барелот претпладнево порасна за 1,56 отсто, на 59,85 долари, додека на американскиот пазар, цената на барелот порасна за 1,65 отсто, на 56,15 долари.
Слични новости
Швајцарската влада благо ја зголеми проценката за економскиот раст
Швајцарската влада во понеделникот благо ја зголеми проценката за економскиот раст во 2026 година, тврдејќи дека договорот со САД за пониски царини треба да го олесни влијанието на трговските бариери врз извозот
Европските берзи растат на почетокот од седмицата, азиските во пад
На европските берзи, цените на акциите пораснаа во речиси сите главни сектори во понеделник во претпладневното тргување, со што ги надоместија сите загуби од минатата седмица
Доларот благо ослабе, цените на нафтата растат
На валутните пазари, вредноста на американскиот долар во однос на кошничката валути дополнително благо падна, откако минатата седмица се лизна за 0,6 отсто