Кремљ потврди дека синоќа се одржала средба меѓу рускиот претседател Владимир Путин и Стив Виткоф, претставникот на американскиот претседател Доналд Трамп.
Портпаролот на Кремљ, Дмитриј Песков изјави дека е договорен разговор меѓу Путин и Трамп, но не и времето за разговор.
„Точното време кога ќе се одржи разговорот се уште не е договорено“, рече Песков.
„Откако господинот Виткоф ќе му ги пренесе на шефот на државата сите информации добиени во Москва, тогаш ќе одредиме време за разговор“, рече Песков, додавајќи дека „има разбирање“ во двете земји дека „неопходен е разговор меѓу претседателите“.
Песков рече и дека има причини за внимателен оптимизам во однос на решавањето на ситуацијата во Украина.
„Се разбира, постојат причини за внимателен оптимизам“, им рече Песков на новинарите, коментирајќи ги зборовите на американскиот советник за национална безбедност Мајк Волц, кој претходно рече дека Вашингтон е внимателен оптимист за изгледите за украинско решение и дека одлуките за следните чекори ќе бидат донесени врз основа на информациите од специјалниот пратеник Стив Виткоф, кој ја посети Москва.
Песков исто така, истакна дека Русија добила дополнителни информации од САД за Украина.
Тој повтори дека „Путин ја поддржува позицијата на американскиот претседател Доналд Трамп за решавање на ситуацијата во Украина“, но и дека поставил некои прашања на кои треба заеднички да се одговори.
„Вчера слушнавте многу важна изјава на претседателот Путин. Одговарајќи на новинарско прашање, тој рече дека ја поддржува позицијата на претседателот Трамп за решавање на конфликтот, но тој постави некои прашања на кои треба заеднички да се одговори. Така, да, навистина, треба уште многу да се направи, но сепак, претседателот изрази солидарност со ставот на г-дин Трамп на новинарите“, нагласи Песков.
Слични новости
Мицкоски: Ќе преземеме низа мерки, активности и одлуки, тоа Ви го должам Вам, го должам и на семејствата на загинатите, на медиумите и на секој еден човек во Македонија
Со едноминутно молчење премиерот Христијан Мицкоски ја почна прес – конференцијата на која потенцираше дека во неговиот живот имал многу тешки моменти и предизвици, но ова денес, како што рече, е убедливо најтешкиот ден од мојот живот.
Трамп и Путин ќе разговараат за Украина во наредните денови, според американскиот претставник Виткоф
Американскиот претседател Доналд Трамп и неговиот руски колега по должност Владимир Путин се очекува да разговараат во наредните денови, објави во неделата американскиот специјален пратеник за Украина и Русија, Стив Виткоф, додека САД вршат притисок врз Русија да се согласи на прекин на огнот со Украина
САД депортираа стотици осомничени припадници на венецуелска банда
Соединетите држави депортираа стотици наводни членови на венецуелската банда Трен де Арагуа користејќи го Законот за странски непријатели од 1798 година, кој сега е блокиран, изјави мериканскиот државен секретар Марко Рубио