Цените на акциите пораснаа на европските берзи во четвртокот во претпладневното тргување, благодарение на добрите деловни резултати на европските компании и надежите на инвеститорите дека британската централна банка ќе ги намали каматните стапки.
Индексот STOXX 600 на водечките европски акции во првиот пресек од тргувањето порасна за 0,1 отсто. Лондонски FTSE индекс се зголеми за 0,75 отсто, на 8.688 поени, додека франкфуртски DAX порасна за 0,56 отсто, на 21.707 поени, а париски CAC за 0,39 отсто, на 7.925 поени.
Растот на индексот најмногу се должи на добрите квартални деловни резултати на европските компании. Покрај тоа, инвеститорите ќе се фокусираат на средбата на челниците на британската централна банка, а аналитичарите очекуваат намалување на каматните стапки.
Цените на акциите пораснаа и на азиските берзи. Индексот MSCI на азиските акции во иститот момент од пресекот како и во Европа порасна за 0,7 отсто. Јапонскиот индекс Nikkei порасна за 0,6 отсто, додека цените на акциите во Јужна Кореја, Хонгконг, Шангај и Австралија пораснаа меѓу 1,1 и 1,3 отсто.
Кинеските берзи пораснаа бидејќи стравувањата од трговска војна стивнаа. Додуша, сѐ уште постои ризик од ескалација на конфликтот меѓу САД и Кина, со оглед на тоа што Вашингтон воведе царини за увозот од Кина, а Пекинг најави царини за американските производи од 10 февруари, но инвеститорите се надеваат дека наскоро ќе се постигне некаков договор.
Кинеските пазари се поддржани и од силниот раст на цените на акциите на компаниите кои развиваат вештачка интелигенција, како и на производителите на чипови, благодарение на големиот успех на моделот за вештачка интелигенција на кинескиот стартап „DeepSeek“ во западните земји.
„Успехот на DeepSeek ја зајакна довербата во кинескиот сектор за вештачка интелигенција и ова ќе продолжи да биде клучна пазарна тема во наредните денови“, напишаа аналитичарите на „China Securities“ во прегледот на ситуацијата на пазарот.
Азиските берзи го следат вчерашниот раст на Волстрит, кога Dow Jones порасна за 0,7 отсто, S&P 500 0,4 отсто, а Nasdaq индексот 0,2 отсто. Порастот на индексот на најголемата светска берза втор ден по ред е благодарение на ублажувањето на стравувањата од трговска војна, откако Вашингтон на почетокот на неделата ја воведе и набрзо ја одложи примената на царините за увоз од Канада и Мексико.
Пазарот е поддржан и од солидни квартални деловни резултати. Досега повеќе од 200 компании од индексот S&P 500 објавија извештаи, а приближно 77 отсто од нив оствариле поголема заработка од очекуваната.
Слични новости
Масовно истекоа дозволите за американскиот увоз на месо во Кина
Дозволите за увоз на повеќе од 1.000 американски компании за месо одобрени од Кина според трговскиот договор „Фаза 1“ од 2020 година истекоа во неделата, покажа кинеската царинска веб-страница, заканувајќи се на извозот од САД до најголемиот купувач во светот поради војната за царини
Европските берзи продолжуваат да растат и покрај корекцијата на Волстрит
На европските берзи седмицата започна со берзански индекси во „зелено“, што само го зголемува контрастот во изведбите на пазарите на капитал во Европа и на Волстрит, но инвеститорите тргуваат внимателно, стравувајќи од нова нестабилност што ги потресе светските берзи последните седмици
Индексот на доларот достигна најниско ниво во последните пет месеци, нафтата поскапе
На девизните пазари, индексот на доларот, кој ги искажува перформансите на американската во однос на шест други светски валути, во понеделникот претпладнето се движи околу најниското ниво во последните пет месеци од 103,71 поени