Државната изборна комисија (ДИК) на денешната седница ги утврди кандидатите кои ќе ги заменат Бети Стаменковска-Трајковска, Јане Мицевски и Дејан Проданоски, кои беа избрани за градоначалници на локалните избори.
Според одлуката, пратеници ќе бидат Александра Николовска, Мартин Стојановски и Мито Андонов. Претседателот на ДИК, Борис Кондарко, образложи дека редоследно, според листата на коалицијата „Твоја Македонија“, овие тројца ќе ги заменат досегашните пратеници.
Стојановски доаѓа на местото на Игор Никовски, кој претходно ја известил ДИК дека не го прифаќа мандатот. За новите тројца пратеници ДИК веднаш ќе го информира Собранието.
Претходно, на денешната седница, Собранието констатира дека на Бети Стаменковска-Трајковска, Јане Мицевски и Дејан Проданоски им престанаа пратеничките мандати, откако беа избрани за градоначалници на Кисела Вода, Сопиште и Прилеп.
Кондарко истакна дека Александра Николовска и Мартин Стојановски ќе бидат пратеници за Изборната единица 1, а Мито Андонов за Изборната единица 4. ДИК ќе им издаде уверение, а Собранието потоа ќе ги верификува нивните мандати.
На денешната седница, ДИК ја усвои и Одлуката за доделување средства на своите вработени, припадниците на МВР и другите ангажирани лица за враќање на уредите за биометриска идентификација на гласачите користени во изборниот процес. Уредите ќе бидат донесени во ДИК, а потоа ќе бидат избришани сите внесени податоци.
Слични новости
На ГП Дојран и Табановце се чека од 30 до 40 минути, магла на Попова Шапка и Пресека
На граничниот премин „Дојран”, утринава за излез од земјава се чека 30 минути, а на Табановце времето на чекање на излез од земјава е 40 минути. На останатите гранични премини од македонска страна, нема подолги задржувања за влез и излез од државата, информира Авто мото сојузот на Македонија
Роднините на загинатите во „Пулс“: Дали судницата е за рецитирање или за вистината?
Родителите и блиските на загинатите во трагедијата во кочанската дискотека„Пулс“ денеска повторно излегоа на протестен марш во Кочани
Мицкоски: Не добив само реизбор, денес победи идејата за патот што го трасираме за Македонија
Не добив само реизбор како претседател на ВМРО-ДПМНЕ туку денеска победи идејата. Победи патот што го трасираме за Македонија. Честа е голема и обврската и долгот кон доделената задача уште поголема, истакна Христијан Мицкоски откако попладнево на партискиот конгрес што се одржува во Кавадарци беше реизбран за лидер на ВМРО-ДПМНЕ