Денеска нема да се одржи гласање во четири општини во земјава – Гостивар, Врапчиште, Центар Жупа и во Маврово и Ростуше. Причината за ова е недоволниот одзив на гласачи во првиот круг од локалните избори 2025, информираа од Државната изборна комисија (ДИК).
Според законските одредби, за да се сметаат изборите за успешни во првиот круг, потребна е излезеност од најмалку една третина односно 33,33 отсто од запишаните гласачи, услов кој не бил постигнат во овие четири општини.
Податоците што ги објави ДИК по првиот круг од изборите во Гостивар излезеноста била 33,31 отсто, во Маврово и Ростуше 30,31 проценти, во Врапчиште 25,18 отсто и во Центар Жупа гласале 21,49 проценти од запишаните избирачи.
Согласно член 132 став (2) од Изборниот законик, во овие случаи се повторува целата изборна постапка. Повторените избори ќе се одржат во рок од 60 дена од објавувањето на конечните резултати од локалните избори 2025.
Како што е предвидено со член 132-а, при повторените избори нема повторно да се условува цензусот од една третина за да бидат успешни.
Денеска се одржува вториот круг од изборите за градоначалници во 32 општини и во Град Скопје. Во првиот круг беше извршен избор во 44 општини.
Во вториот круг од изборите победник е кандидатот за градоначалник што ќе освои најголем број гласови.
Слични новости
На ГП Дојран и Табановце се чека од 30 до 40 минути, магла на Попова Шапка и Пресека
На граничниот премин „Дојран”, утринава за излез од земјава се чека 30 минути, а на Табановце времето на чекање на излез од земјава е 40 минути. На останатите гранични премини од македонска страна, нема подолги задржувања за влез и излез од државата, информира Авто мото сојузот на Македонија
Роднините на загинатите во „Пулс“: Дали судницата е за рецитирање или за вистината?
Родителите и блиските на загинатите во трагедијата во кочанската дискотека„Пулс“ денеска повторно излегоа на протестен марш во Кочани
Мицкоски: Не добив само реизбор, денес победи идејата за патот што го трасираме за Македонија
Не добив само реизбор како претседател на ВМРО-ДПМНЕ туку денеска победи идејата. Победи патот што го трасираме за Македонија. Честа е голема и обврската и долгот кон доделената задача уште поголема, истакна Христијан Мицкоски откако попладнево на партискиот конгрес што се одржува во Кавадарци беше реизбран за лидер на ВМРО-ДПМНЕ