Државната изборна комисија ги објави првичните неофицијални резултати од гласањето во вториот круг на Локалните избори 2025 година, спроведени во 32 општини и во Градот Скопје. Претседателот на ДИК, Борис Кондарко, информира дека од обработени 98,25% од избирачките места, гласале вкупно 415.435 граѓани или 41,76 проценти на ниво на државата.
Во Скопје, кандидатот на ВМРО-ДПМНЕ и Коалицијата, Орце Ѓорѓиевски, доби поддршка од 93.207 граѓани, додека неговиот противкандидат од Левица, Амар Мециновиќ, освои 58.994 гласа или 36,26 проценти од вкупните гласови. Излезноста во главниот град изнесува 35,05 проценти.
Според првичните резултати, кандидатите на ВМРО-ДПМНЕ и Коалицијата водат во 21 општина, кандидатите на Коалицијата Вреди во четири општини, кандидатите на СДСМ и Коалицијата во три, додека Движењето ЗНАМ, Унија на Роми, Национална Алијанса за Интеграција – НАИ и Група избирачи Менди Ќура освоија по една општина.
Во Аеродром, од обработени 99,9% податоци, за актуелниот градоначалник Дејан Митески од ВМРО-ДПМНЕ гласале 17.873 граѓани, додека за Александар Трајановски од СДСМ 9.489. Во Боговиње, Фети Абази од Вреди доби 6.380 гласа, а Бесник Емши од НАИ 5.040.
Во Брвеница, Јовица Илиевски од ВМРО-ДПМНЕ освои 4.369 гласа, додека Хаким Рамадани од Вреди 4.224. Во Валандово, Ѓоко Камчев од ВМРО-ДПМНЕ доби 3.258 гласа, а Перо Костадинов од СДСМ 3.012. Во Виница, Митко Костадиновски од ВМРО-ДПМНЕ освои 4.449 гласови, додека Гоце Милевски од СДСМ 3.320.
Во Карпош, Сотир Лукровски од ВМРО-ДПМНЕ доби 12.650 гласови, а противкандидатот Стевчо Јакимовски 11.421. Во Кичево, Александар Јовановски од ВМРО-ДПМНЕ доби 14.205, а Фатмир Дехари од НАИ 11.908.
Во Крушево, тесен пресврт донесе победа на Нико Чонески од ВМРО-ДПМНЕ со 2.662 гласа, додека Томе Христовски од СДСМ доби 2.643. Во Тетово, Бајрам Реџепи од НАИ освои 15.958, додека Биљал Касами од Вреди 21.004.
Во Центар, актуелниот градоначалник Горан Герасимовски од СДСМ освои 10.429 гласа, додека Мирослав Лабудовиќ од Движењето ЗНАМ 7.578. Во Шуто Оризари, актуелниот градоначалник Курто Дудуш од Унија на Роми доби 3.354 гласа, а противкандидатот Ерџан Демир од ВМРО-ДПМНЕ 2.991.
Претседателот на ДИК Кондарко посочи дека, согласно Изборниот закон, за избран во втор круг се смета кандидатот што добил мнозинство од вкупните излезени гласачи. Тој најави дека утре на јавна седница ќе бидат објавени првичните официјални резултати, а роковите за приговори ќе започнат веднаш по нивното соопштување.
Слични новости
Милошоски: Нема да се градат бегалски кампови
Во Македонија нема да се градат бегалски кампови, категорични се од ВМРО ДПМНЕ. Тврдат дека Британија со сите земји од Западен Балкан и од ЕУ има склучено слични договори за борба против организирана, нелегална, миграција
Кузеска: Кој му дал дозвола на Мицкоски да преговара за мигранти?
Граѓаните на Македонија се во шок! Власта на Мицкоски подготвува анти државно и национално предавство. Угледните британски медиуми, како The Times, дека Владата на Мицкоски е во разговори со Велика Британија за Македонија да стане базна дестинација за враќање мигранти. Сите лаги зад кои кујните на ДПМНЕ и владата се обидуваа да се сокријат се потопени во вода, изјави портпаролката на СДСМ Богданка Кузеска
СДСМ: Конгресот на децата на Орбан
Антикорупцискиот тим на СДСМ реагираше со остра политичка критика на Конгресот на ВМРО-ДПМНЕ, кој викендов се одржа во Кавадарци под водство на Христијан Мицкоски