Во вооружен напад во средното училиште во градот Тамблер Риџ, во Британска Колумбија, во Канада, убиени се десет лица, вклучувајќи го и напаѓачот, објавија властите.
Би-Би-Си јави дека пукањето се случило околу 13:20 часот по локално време.
Полицијата пронашла шест мртви лица во училиштето, додека седмиот починал на пат кон болницата, а две лица биле пронајдени без знаци на живот во куќа во близина на училиштето.
Полицијата верува дека двата смртни случаи во куќата се поврзани со инцидентот во училиштето.
Напаѓачот, исто така, бил пронајден мртов, а полицијата верува дека смртоносните повреди самиот си ги нанел.
Шефот на полицијата Кен Флојд изјави дека 25 лица се здобиле со полесни повреди, а две лица се здобиле со сериозни повреди.
Градот Тамблер Риџ, со околу 2.400 жители, е оддалечен околу 1.200 км од Ванкувер и е близу до границата со Алберта.
Слични новости
Ледената бура одзеде најмалку 18 животи низСАД
Најмалку 18 лица во неколку федерални држави загинаа во ледениот бран што ги зафати САД, јавија денеска американските медиуми.
Германскиот министер за одбрана Пасториус остро одговори на коментарите на Трамп
Германскиот министер за одбрана Борис Пасториус го повика американскиот претседател Доналд Трамп да се извини поради изјавите кои сугерираат дека американските сојузници во НАТО ја одбегнувале службата на првата линија на фронтот во Авганистан.
Масовни протести во Америка по убиството на Прети
Американскиот претседател Доналд Трамп оцени дека гувернерот на Минесота Тим Волц и градоначалникот на Минеаполис Џејкоб Фреј „поттикнуваат бунт со својата опасна и арогантна реторика“.