Катастрофалните поплави погодија милиони луѓе во Тајланд, Индонезија и Малезија, со најмалку 33 мртви во големи поплави во јужен Тајланд, објави во средата весникот Bangkok Post, повикувајќи се на информации од владата.
Повеќе од 2,5 милиони луѓе се изложени на ризик од поплави само во Тајланд, кои следеа по обилните дождови, додава весникот.
Според универзитетскиот професор и експерт за климатски промени, Сери Супратид, може да поминат седмица пред поплавните води да се повлечат од особено тешко погодениот округ Хат Јаи на границата со Малезија.
„Луѓето се заробени на покривите, возилата се поплавени, а ранливите групи молат за помош“, изјави Супратид за Bangkok Post.
На многу места, екипите за итни случаи можеа да се движат само со пловила. Владата нареди распоредување хеликоптери за доставување храна и помош до семејствата заробени во своите домови во силно поплавените подрачја. Залихите веќе беа намалени на многу места.
Во меѓувреме, националниот одбор за туризам стравува од огромни загуби за популарниот регион. Околу 8.000 туристи, претежно странци од Малезија, Сингапур и Индонезија, се блокирани во хотели и на аеродромот Хат Јаи во последните денови.
Преку границата во Малезија, речиси 10.000 луѓе мораа да побараат засолниште во привремен сместувачки капацитет во сојузната држава Келантан. На индонезискиот остров Суматра, илјадници луѓе останаа без покрив над главата откако деновите обилни дождови предизвикаа поплави и лизгање на земјиштето. Најмалку осум лица загинаа, а десетици се повредени, соопшти во средата индонезиската агенција за управување со катастрофи.
Слични новости
Нетанјаху: Израел ќе остане во тампон-зоната во јужна Сирија
Израел има намера да остане во тампон-зоната во јужна Сирија, изјави премиерот Бенјамин Нетанјаху на состанокот со израелските амбасадори, според извештаите на локалните медиуми
Замир постави нова граница со Појасот Газа
Началникот на Генералштабот на израелската армија, Ејал Замир, изјави дека линијата до која се повлекоа израелските сили сега е новата граница меѓу Израел и палестинските територии
Индонезија се справува со последиците од поплавите во кои загинаа над 900 луѓе
Индонезија се справува со последиците од масовните лизгања на земјиштето и ненадејните поплави предизвикани од циклонот на островот Суматра минатата седмица, при што бројот на жртвите во неделата надмина 900 луѓе