Големиот студентски протест во центарот на Белград, на кој се приклучија земјоделци и бројни граѓани, започна со скандирања „Вучиќ, оди си“ и „Рацете ви се крвави“.
Десетици илјади луѓе го исполнија просторот околу плоштадот Славија и околните улици во центарот на Белград, јави Бета.
Мобилните врски во центарот на Белград не функционираат, јави ТВН1.
Протестот во Ниш започна и во 16 часот, со 16-минутно молчење за почит на жртвите во Нови Сад и Загреб.
Студентите во Србија најавија протест во Белград на кој ќе се приклучат и земјоделци, актери, граѓани. Тие заедно бараат одговорност за трагедијата во Нови Сад и гонење на насилниците кои со недели провоцираат на мирните блокади.
Своето присуство на протестот го најавија земјоделците и актери како форма на поддршка за студентите.
Земјоделците, кои изминативе денови ги блокираа патишта бараат разрешување на премиерот Милош Вучевиќ, ресорниот министер и претседателот на собраниската Комисија за земјоделство.
На протестот, како што е најавено, ќе се приклучи и иницијативата „Мостот останува“, која се противи на отстранувањето на Стариот савски мост во Белград.
Слични новости
Турција: Четири жртви во пад на хеликоптер за итна медицинска помош
За време на тренинг лет, турски хеликоптер за брза помош се урна на покривот на болницата во областа Ментеше во провинцијата Мугла, на југозападниот дел на земјата, и падна од покривот во болничкиот парк, при што загинаа четири лица, објавија денеска турските медиуми
Целосна блокада на ТикТок во Албанија
Албанија го блокира ТикТок за една година, поради влијанието на социјалните мрежи врз насилството меѓу младите. Одлуката следи по убиството на 14-годишен ученик во Тирана, кое е поврзано со расправија на социјалните мрежи.
Членовите на некогашното грчко кралско семејство побараа грчко државјанство
Членовите на некогашното грчко кралевско семејство поднесоа барање за грчко државјанство и официјално го признаа републиканскиот систем на власта во таа земја, 50 години откако беше укината монархијата во Грција