Речиси 42.000 билети за настапите во живо на Изборот за песна на Евровизија, што оваа година ќе се одржи во мај швајцарски Базел, се распродадени за само седум минути во средата.
Штом започна продажбата во 10 часот претпладнето по локално време, побарувачката за билети беше огромна, објави швајцарската телевизија SRF, дел од тимот што го организира овогодинешниот музички настан.
До четири билети можеа да купат само оние кои однапред се пријавија за ова натпреварување, популарно во Европа и пошироко и познат по своите необични изведби и привлечни триминутни песни.
Билети се продаваа и за пробни настапи. Ги снема во рок од 20 минути. Во средата беа продадени вкупно 42.000 билети.
Но, оние кои се пријавиле а не можеле да купат билети не треба да се плашат бидејќи ќе добијат уште една шанса.
Ќе има уште неколку рунди на продажба, иако бројот на достапни билети сѐ уште не е одреден. Организаторите велат дека зависи од тоа колку простор ќе биде потребен за звучна и видео опрема. Познато е дека за натпреварот ќе бидат достапни меѓу 50.000 и 60.000 билети.
Вкупно девет настапи ќе се одржат во седмицата што започнува на 12 мај, а големото финале ќе се одржи на 17 мај во „Сент Јакобсшале“ во Базел.
Билетите чинат помеѓу 40 и 350 швајцарски франци (44 до 385 долари). Најскапите билети се за стоење на сцената.
Подоцна ќе биде поставена и онлајн платформа каде оние кои не можат да присуствуваат на натпреварот ќе можат да препродаваат билети.
Ќе се организираат и забави за публиката да го следи натпреварот надвор од салата, а еден таков простор е големиот фудбалски стадион веднаш до „Сент Јакобшале“, кој може да прими околу 36.000 гледачи.
Овогодинешната Евровизија се одржува во Швајцарија благодарение на поп-уметникот Немо, кој победи на натпреварот во 2024 година во Малме, Шведска, со песната „The Code“ за родовата несообразност.
Слични новости
Првата дама на САД доби официјален портрет
Официјалниот портрет на првата дама на САД, Меланија Трамп беше објавен во понеделникот, на кој таа позира потпрена на маса во Белата куќа
Лувр бара владина помош за обновување и заштита на уметничките дела
Изградена во Париз во 12. век, палатата Лувр била официјална резиденција на француските кралеви со векови до Луј XIV. не го заменил за Версај
„Ризикот од летање“ на Мел Гибсон прв на американскиот Бокс офис
„Ризикот од летање“ прв филм што го режира Мел Гибсон по речиси цела деценија, е на првото место на американскиот Бокс офис. Филмот, во кој главната улога ја толкува Марк Валберг, заработи скромни 12 милиони долари на американскиот пазар но му беа доволни за да биде на првото место.