Во Црна Гора денеска е ден на жалост по трагедијата во Македонија кога во пожар во дискотека во Кочани загинаа 59 млади луѓе, а над 100 се повредени.
Знамињата на сите државни институции од изутрината се спуштени на половина копје. Парламентот на Црна Гора, како и премиерот Милојко Спајиќ изразија сочувство до семејствата на жртвите и сите граѓани на Македонија.
Во Србија која што понуди и помош и каде што се лекуваат некои од пациентите, ден на жалост ќе биде утре.
Се очекува и бугарската влада на вонредна седница вторник да биде прогласен за ден на жалост во знак на солидарност со Македонија, изјави премиерот Росен Жељазков.
Жељазков денеска уште еднаш изрази сочувство и рече дека се надева на успешно закрепнување на повредените. Тој информира дека во моментов во Бугарија се лекуваат 14 македонски државјани во болници во Софија, Пловдив и Варна, а Жељазков рече дека Бугарија е подготвена да прими уште повредени.
Слични новости
Израел го прекина примирјето во Газа, над 250 мртви
Нападите беа пријавени на повеќе локации, вклучително и северна Газа и градовите Газа, Деир ал-Балах и Кан Јунис и Рафах во централниот и јужниот дел на Појасот Газа. Претставници на палестинското Министерство за здравство велат дека многу од жртвите се деца
Украина направила беспилотно летало со кое може да го гаѓа Сибир
Украина успешно тестираше борбено беспилатно летало со дострел од 3.000 километри, тврдеше во понеделникот ноќта украинскиот претседател Володомор Зеленски
Калас: Широка политичка поддршка за нова воена помош за Украина
Има широка политичка поддршка за да се обезбеди воена помош на Украина во вредност до 40 милијарди евра, а разговорите за деталите сега се во тек, изјави во понеделникот високата претставничка на Европската унија за надворешна политика и безбедност, Каја Калас