Денеска се слави Меѓународниот ден на жената – 8 Mарт. Тоа е празник што се одбележува на глобално ниво, а во фокусот се правата на жените, родовата еднаквост, репродуктивните права и борбата против насилството и злоупотребата на жените. Годинава мотото на Обединетите нации (ОН) за одбележувањето на 8 Март е „За сите жени и девојки: Права. Еднаквост. Зајакнување“.
8 Март се прославува секоја година во сеќавање на протестот на текстилните работнички во Њујорк кои барале поголеми права, одржан на овој датум во 1857 година.
Обединетите нации почнаа да го чествуваат овој ден од 1975 година, а две години подоцна Генералното собрание на ОН ги повика земјите членки да го прогласат 8 Март за официјален празник на Светската организација посветен на правата на жените и светскиот мир.
8 Март се одбележува во светло на промоција на постигнувањата на жените, женските права и борбата за рамноправност.
По повод Денот на жената 8 Март, Платформата за родова еднаквост денеска во Скопје организира марш за женски права, кој годинава ќе се одржи под слоганот „Нека јадат ружи!“.
Слични новости
Обвинение за обид за убиство
Обвинетиот 37-годишник, поради нерасчистени претходни должничко-доверителски односи, на 10.12.2024 година во селото Мирковци сo умисла се обидел да лиши од живот едно лице.
Порака од осмомартовскиот марш во Скопје: Не ни требаат ружи кога немаме за леб
Присутните маршираа од пред Универзална сала, по булеварот Партизански одреди, покрај Владата и преку мостот „Гоце Делчев“ до паркот Жена борец.
Мицкоски: Ако јавноста е против, нема да биде потпишан договорот за паркингот на Клинички центар
Ние немаме ништо потпишано. Ако јавноста е против, а гледаме дека е против, тогаш нема ниту да потпишуваме“, рече Мицкоски.