Сирени и силни експлозии, најверојатно предизвикани од активирањето на израелската противвоздушна одбрана, пред малку го потресоа небото над Ерусалим, а иранските медиуми објавија дека е започнат нов ракетен напад од Иран врз израелска територија.
„Израелските одбранбени сили детектираа лансирање на ракети од територијата на Иран кон Израел. Активирани се системите за противвоздушна одбрана,“ соопшти и израелската армија.
Граѓаните беа повикани повторно да се засолнат во засолништа и да останат таму до следна наредба.
Според дописниците на светските агенции, експлозии се слушнале и во Тел Авив. Израелските медиуми јавуваат дека ракета паднала во градот, а претходно беше пријавена силна експлозија во Ерусалим.
Во меѓувреме иранската новинска агенција Фарс, повикувајќи се на извори во воената команда на Иран, соопшти дека владата во Техеран планира напади врз американските воени бази на Блискиот исток.
„Војната која почна со агресија на ционистичкиот режим ќе се прошири на сите територии што ги окупираше овој режим и врз американските бази во регионот“.
Агресорите ќе добијат решителен и голем одговор од Иран, изјави висок претставник на иранската воена команда.
Слични новости
Кац: Иран ги премина црвените линии со напади врз цивилни центри во Израел
Ќе продолжиме да ги браниме граѓаните на Израел и ќе обезбедиме режимот на Ајатолахот да плати многу висока цена за своите гнасни постапки, ја пренесуваат израелските медиуми изјавата на министерот Кац
Во иранските напади убиени тројца, а ранети 80 Израелци, Техеран и Ерусалим најавуваат продолжување на војната
Официјален Ерусалим соопшти дека во синоќешните два брана напади од Иран врз Израел со околу 150 балистички ракети биле убиени тројца луѓе, а 80 се ранети. Неколкумина од ранетите се во тешка состојба, соопштија израелските власти
Израелската војска соопшти дека нападите врз Иран само што почнаа
Израелската војска соопшти дека нејзините воздухопловни сили продолжуваат да го напаѓаат Иран и дека операцијата тукушто започна. Израел ноќеска отпочна напад врз Иран, наведувајќи дека се гаѓани нуклеарни објекти, фабрики за балистички проектили, воени команданти и физичари, чија цел е да се спречи Техеран да развие нуклеарно вооружување.