Денвер поразен во Портланд, Јокиќ на чекор од историјата

Денвер Нагетс изутринава загубија на гостински терен од Портланд Треил Блејзерс, а српскиот центар Никола Јокиќ не успеа да стане првиот играч во НБА кој отворил сезона со 5 трипл-даблови, а за тоа му фалеше една асистенција.

Јокиќ го заврши натпреварот со 21 кош, 14 скокови и 9 асистенции.

Денвер беше постојано во водство и се чинеше дека го контролира натпреварот, но не ги реализира последните два напади, додека домаќините постигнаа поени и славеа врз фаворизираниот Денвер.

Кај Портланд најефикасен беше Дени Авдија со 23 коша, а Шејдон Шарп постигна 19, а кај Денвер освен Јокиќ, двоцифрени беа и Мари со 22 и Гордон со 14 поени.