И покрај тоа што играа без двајцата најдобри играчи – Никола Јокиќ поради повреда на лактот и Џамал Мареј поради повреда на скочниот зглоб, Денвер Нагетс на гостински терен ги совладаа Голден Стејт Вориорс со 114:105, прекинувајќи ја нивната серија од седум победи. Арон Гордон „експлодира“ со 38 поени, Мајкл Портер додаде 21 со 10 скока, додека ветеранот Расел Вестбрук оствари „трипл-дабл“ со по12 поени и скокови и 16 асистенции. Најефикасни кај Вориорс беа Џими Батлер со 23 и Стивен Кари со 20 поени.
Денвер сега е изедначен со Хјустон Рокетс за второто место на Западот со скор 44-25, додека Голден Стејт е шести на Западот со скор од 39-29.
Кошаркарите на Њу Орлеанс Пеликанс го претрпеа најголемиот пораз во клупската историја, на нивен терен беа декласирани од Детроит Пистонс со 81:127.
Гостите од Детроит уште на стартот создадоа големо водство, а до полувремето имаа предност од 31 поен (63:32), па остатокот од натпреварот беше само формалност. Кејд Канингем со 24 и Симоне Фонтекио со 23 поени беа најдобри за многу добрите Пистонс сезонава, додека Зион Вилијамсон со 30 асистенции беше најдобар стрелец кај Пеликанс.
Покрај тешкиот пораз, Пеликанс нема добро да го паметат овој натпревар и поради повредата на левото рамо што ја заработи Треј Марфи, кој ќе го пропушти остатокот од сезоната.
Њу Орлеанс е претпоследен, 14-ти во Западната конференција, со сооднос победи-порази 18-51, додека Детроит е шести на Истокот со скор 38-31.
Хјустон Рокетс минаа потешко од очекуваното на домашен терен, откако по продолжение ја совлада ослабената Филаделфија 76ерс со 144:137. Џејлен Грин и Џабари Смит постигнаа по 30 поени за Рокетс, додека Квентин Грајмс ги предводеше Сиксерс со 46 поени и 13 скока, кои го држат 13-то место на Истокот со скор од 23-45.
Лука Дончиќ беше на прагот на уште еден „трипл-дабл“ во сигурната победа на Лос Анџелес Лејкерс на домашен терен над Сан Антонио Спарс со 125:109. Натпреварот го заврши со 21 поен, 14 асистенции и 9 скока. Најдобар стрелец кај Лејкерс беше Остин Ривс со 30 кошаа, додека Стефон Касл постигна 23 за Спарс.
Лејкерс се на четвртото место на Запад со 42-25, додека Спарс се 13-ти на Запад со 28-39.
Слични новости
Денвер Нагетс без Јокиќ и Мари ги победија Голден Стејт
Во дербито на западната конференција Денвер Нагетс на гости неочекувано ги победија Голден Стејт Вориорс со 114:105. Голден Стејт беа огромни фаворити затоа што Денвер настапија без тројца играчи од првата петорка поради повреди: Никола Јокиќ, Џамал, Мари и Кристијан Браун.
Незадоволство од враќањето на Куртоа во репрезентацијата
Белгискиот голман Тибо Куртоа се приклучи на националниот тим првпат по 22 месеци, завршувајќи го својот самонаметнат „егзил“ со враќање кое наиде на критики од поранешните интернационалци
Оклахома Сити го победи Милвоки во најинтересниот натпревар од НБА лигата
Првопласираниот тим на Западот Оклахома Сити славеше на гостувањето во Милвоки со 121:105 во меч во кој директно играа еден против друг двајца кандидати за МВП титулата сезонава Шеи Гилџес Александар и Јанис Адетокумбо.