Денвер неочекувано тешко ги победи ослабените Лејкерс со 131:126

Денвер Нагетс утринава ги победија Лејкрес со резултат 131:126 многу потешко од што се очекуваше. Лејкерс водеа до пред самиот крај на натпреварот, кој заврши со серија од 8:0 за Денвер. Најпрвин резултатот го израмни Јокиќ со кош и дополнително слободно фрлање.

Во следниот напад Лејкрес не погодија, а Џамал Мари постигна тројка, за на крај Расел Вестбрук да го пресече последниот напад на Лејкерс и со кош да го постави конечниот резултат 131:126.

Во тимот на Денвер најефикасни беа Јокиќ со 28, Мари со 26 и Браун со 22 коша.

Лејкерси играа без своите две големи ѕвезди повредените Лука Дончиќ и Леброн Џејмс. Кај Лејкерс извонредно одигра Остин Ривс со 37 коша и 13 асистенции и Далтон Кнахт со 32 коша.

Денвер ја задржа втората позиција во западната конференција, а Лејкрес по три последователни порази се на петтото место и водат борба да останат во првите шест места што водат во плеј офот.