Демократските конгресмени ја разгледуваат можноста за поднесување на тужба против американскиот претседател Трамп доколку ја продолжи воената операција против Иран по Први мај, без одобрение на Конгресот.
Според Законот за воени овластувања од 1973, американскиот претседател е должен да го извести Конгресот за воведување на американските оружени сили во воени акции.
По такво известување, операцијата може да трае 60 дена без посебно одобрение на Конгресот, а потоа претседателот е должен да ја прекине употребата на оружените сили, освен ако Конгресот не одобри продолжение на воените операции.
Администрацијата на Трамп го извести Конгресот за почетокот на воената акција против Иран на 2-ри март, што значи дека рокот од 60 дена истекува во петок на Први мај.
Демократите тврдат дека продолжувањето на операцијата по тој датум без формална согласност на Конгресот, може да претставува основа за судски спор и судир околу уставните овластувања на претседателот.
Слични новости
Започна судењето за грчката трагедија во Темпи во која загинаа 57 луѓе – граѓаните на протест
Преживеаните од судирот на возови во кој загинаа 57 луѓе во Грција, како и роднините на жртвите го изразија својот гнев со протест пред кривичниот суд каде денеска започна процесот.
Партијата на актуелниот премиер Роберт Голоб победник на изедначените избори во Словенија
Централно-левичарското движење за слобода на премиерот Роберт Голоб освои 28,5% од гласовите, додека десничарската Словенечка Демократска Партија предводена од поранешниот премиер Јанез Јанша – освои 28,1%,
Меѓународната агенција за енергија предупреди дека глобалната енергетска ситуација е многу сериозна
Ситуацијата е, ако сакаме да ја ставиме во контекст, е дека оваа криза, каква што е сега, е еквивалент на две нафтени кризи и една гасна криза заедно.