Деловните услови во еврозоната се благо подобрени, велат компаниите во анкетата на Европската централна банка (ЕСВ), а секторот за вештачка интелигенција е светла точка.
Анкетата, исто така, покажа дека изгледите за вработување остануваат релативно слаби, со умерен раст на платите. Растот на малопродажните цени покажа знаци на забавување.
Индустриското производство продолжува да биде попречено од царините и неизвесноста, покажа анкетата на ЕСВ. Инвестициите во машини остануваат слаби, но потрошувачката за вештачка интелигенција е исклучок.
„Бројни компании инвестираа многу во дигитална инфраструктура, што ја зголеми побарувачката на софтвер и бази на податоци, особено за cloud решенијата, и за вештачка интелигенција“, откри ЕСВ.
Инвестициите во вештачка интелигенција пораснаа особено силно во финансискиот и јавниот сектор, при што компаниите забележуваат дека зголемената употреба на вештачка интелигенција почнува да го поткопува и деловниот модел на традиционалните консултантски фирми.
Анкетираните компании, исто така, ги наведоа „предизвиците за конкурентност“ и „релативно намалената“ продажба на стоки за широка потрошувачка како проблеми.
Потрошувачката останува слаба, велат компаниите, со попозитивни оценки во секторот за апарати за домаќинство и електроника.
Сепак, компаниите во секторите туризам и угостителство забележаа силен раст во текот на летото, покажа анкетата.
Градежниот сектор, пак, се подобрува, при што компаниите пријавуваат „солиден“ или „разумен“ раст, главно благодарение на потрошувачката во туризмот и угостителството и инвестициите во софтвер, решенија за податоци и вештачка интелигенција.
ЕСВ ја спровела анкетата од 29 септември до 9 октомври.
Слични новости
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации
РКЕ ги намали надоместоците за дистрибуција, пренос и за операторот на пазарот на електрична енергија
Регулаторната комисија за енергетика (РКЕ) за 3,64 отсто го намали надоместокот за дистрибуција на електрична енергија, односно за користење на електродистрибутивниот систем на Електродистрибуција од 1 јануари 2026 година