Двајца мажи беа убиени во вторник во израелски напад врз село во јужен Либан кое се граничи со Израел, објави либанското Министерство за здравство.
Ова е најновиот израелски напад по оние од 5 јуни врз јужните предградија на Бејрут, упориште на шиитското проиранско движење Хезболах, најнасилниот од прекинот на огнот што стапи на сила на 27 ноември.
Според соопштението на Министерството за здравство, „израелски непријателски дрон изврши напад врз селото Шеба, при што загинаа две лица, а едно беше повредено“.
Официјалната новинска агенција Ani објави дека еден маж и неговиот син се убиени, а дека неговиот друг син е ранет.
Израел во петокот предупреди дека ќе продолжи да го напаѓа Либан сè додека Хезболах не се разоружа, ден откако нападите врз јужните предградија на Бејрут уништија девет згради, кои наводно според припаѓале на Хезболах.
Израелската војска објави дека наводно „погодила подземни производствени погони и магацини што ги користат воздухопловните сили на Хезболах“.
Либанскиот претседател Жозеф Аун го осуди „флагрантното кршење“ на прекинот на огнот.
Израел продолжува да го напаѓа Либан и покрај примирјето со кое се стави крај на повеќе од една година конфликт со Хезболах, вклучувајќи два месеци отворена војна.
Според условите на прекинот на огнот, борците на Хезболах мора да се повлечат северно од реката Литани, околу 30 километри од израелската граница, и да ги демонтираат своите воени инсталации јужно од оваа граница.
Израел, пак, требаше да ги повлече сите свои сили од Либан, но задржа пет позиции по должината на границата што ги смета за „стратешки“.
Слични новости
Денеска нов ракетен напад на Иран врз Израел, Техеран најавува и напади врз американските воени бази на Блискиот исток
Според дописниците на светските агенции, експлозии се слушнале и во Тел Авив. Израелските медиуми јавуваат дека ракета паднала во градот, а претходно беше пријавена силна експлозија во Ерусалим.
Кац: Иран ги премина црвените линии со напади врз цивилни центри во Израел
Ќе продолжиме да ги браниме граѓаните на Израел и ќе обезбедиме режимот на Ајатолахот да плати многу висока цена за своите гнасни постапки, ја пренесуваат израелските медиуми изјавата на министерот Кац
Во иранските напади убиени тројца, а ранети 80 Израелци, Техеран и Ерусалим најавуваат продолжување на војната
Официјален Ерусалим соопшти дека во синоќешните два брана напади од Иран врз Израел со околу 150 балистички ракети биле убиени тројца луѓе, а 80 се ранети. Неколкумина од ранетите се во тешка состојба, соопштија израелските власти