Фудбалерите на Наполи се искачија на врвот на табелата во италијанското првенство со победата од 2:1 на домашен терен во последниот неделен натпревар од 14-то коло против Јувентус.
Херој на победата на шампионот беше Хојлунд, кој ги постигна двата гола за Наполи, првиот за 1:0 уште во 7. минута и вториот за 2:1 во 78., додека Јилдиз постигна гол за Јувентус во 58. минута.
Наполи сега има 31 бод, еден повеќе од второпласираниот Интер и три повеќе од третопласираниот Милан, кој гостува во Торино во понеделник. Јувентус е седми со 23 бода.
Претходно во неделата фудбалерите на Каљари ја прекинаа серијата од девет натпревари без победа во италијанското првенство со победа од 1:0 на домашен терен против Рома. Клубот од Сардинија дојде до трите бода со голот на Гаетано во 82. минута.
Со оваа победа Каљари стигна до 13-то место со 14 бода, четири повеќе од 18-то место кое води во понизок ранг а го држи Пиза, додека Рома ја пропушти шансата да го стигне Интер на врвот на табелата, остана четврта со 27 бода.
Лацио и Болоња одиграа 1:1 во првиот неделен натпревар. Исаксен во 38. минута им донесе водство на домашните, но само две минути подоцна озрамни Одгард.
Петтата Болоња сега има 25 бода, а десеттата Лацио 19.
Слични новости
Нов кикс на Реал во Ла Лига
Фудбалерите на Селта Виго ја постигнаа својата прва победа на мадридскиот фудбалски храм „Сантијаго Бернабеу“ по речиси 20 години откако го победија Реал со 2:0
Важни бодови за Кристал Палас во борбата за пласман во Лигата на шампионите
Фудбалерите на Кристал Палас скокнаа на четвртото место на табелата во англиското првенство со победата од 2:1 на гости против Фулам во вториот неделн натпревар од 15-то коло
Верстапен не успеа да му ја земе титулата на Норис во Формула 1
Британецот Ландо Норис од тимот на Мекларен е новиот светски шампион во Формула 1 откако заврши трет на последната, 24-та трка од сезоната, Големата награда на Абу Даб