Терористичките напади на 11 септември 2001 година не оставија само огромни човечки и политички последици, туку предизвикаа и сериозен економски удар врз САД. Директната материјална штета се проценува на повеќе од 20 милијарди долари, но вкупната цена за американската економија со текот на годините се искачи на стотици милијарди долари.
Светот по 11 септември 2001 година повеќе не е ист, терористичките напади врз САД предизвикаа безбедносни, стратешки и политички промени.
По нападот САД ја сменија воената стратегија, напуштајќи го концептот на одвраќање кон право на превентивни воени напади врз држави кои кријат или поддржуваат терористички групи.
Применувајќи ја Доктрина на превентивна војна (Доктрина на Буш), САД во 2001 година а почнуваат Глобалната војна против тероризмот и го напаѓаат Авганистан, а две години подоцна Ирак.
Првпат во историјата на НАТО е активиран членот 5 од Северноатлантскиот договор за заедничка одбрана, а Алијансата дејствуваше вон евроатлантскиот регион. Со тоа е променета и стратегијата и мисијата на НАТО од класична одбрана на границите во Европа кон борба против глобалниот тероризам.
Откако САД потврдија дека зад нападите стои Ал Каеда со база во Авганистан, Членот 5 стана целосно оперативен на 4 октомври 2001 година, со што се овозможи директно учество на сојузниците во воените и безбедносните операции.
Во нападите загинаа речиси 3.000 луѓе, а илјадници други беа повредени или подоцна се соочија со сериозни здравствени последици.
Два од авионите удрија во Кулите близначки на Светскиот трговски центар во Њујорк. Двете кули за два часа се урнаа уништувајќи голем дел од долниот Менхетен. Трет авион го погоди Пентагон во Арлингтон, Вирџинија. Додека патниците и екипажот на четвртиот авион им се спротивставија на терористите и киднаперите го урнаа авионот на поле во близина на Шанксвил, Пенсилванија.
Слични новости
Трамп: „Мислам дека војната со Иран наскоро ќе заврши“
Американскиот претседател Доналд Трамп изјави дека верува оти војната со Иран наскоро ќе заврши. „Мислам дека војната бргу ќе заврши, затоа што не можат уште долго да издржат“ им изјави Трамп на новинарите во Обвалната соба.
Вештачката интелигенција за прв пат дизајнираше сосема нови вируси
Експертите предупредуваат дека новата технологија го отвара прашањето на биолошката безбедност, бидејќи во иднина би можеле да паднат во рацете на биотерористи кои би ја користеле технологијата за создавање на опасни организми.
„Фајненшал тајмс“ : Трамп заробен меѓу војната и договорот со Иран
Американскиот претседател Доналд Трамп мора да бира меѓу продолжување на војната со Иран или прифаќање на договор кој во голема мерка би бил постигнат под условите на Техеран, пишува „Фајненшал тајмс“, повикувајќи се на извори во администрацијата во Вашингтон.