На почетокот на годинава, мигрантските бранови во Грција биле намалени споредбено со лани, според министерот за миграција и азил на Грција, Никос Панајотопулос, кој во интервјуто за грчката телевизија Action 24 истакна дека целта за 2025 година е да се зголемат враќањата на одбиените баратели на азил.
Панајотопулос објасни дека во јануари за 20 отсто се намалил бројот на пристигнувања во земјата, што според него е охрабрувачко, меѓутоа посочи дека во последните денови е забележан зголемен притисок во северниот дел на Егејско Море, што, како што истакна, „докажува дека нелегалните мрежи на криумчарите сè уште функционираат“.
За враќањата во земјата на потекло на лицата, чии барања за азил биле одбиени, нагласи дека се или доброволни или принудни враќања, односно административна депортација што е под надзор на грчката полиција и Фронтекс и целта за 2025 година е да се зголеми и бројот и темпото.
„Постојат две категории: оние кои имаат право на азил, како што е еден бегалец од воена зона, кој дури и нелегално да влезе во Грција, поднесува барање за азил и му се одобрува и оние чие барање е одбиено, бидејќи немаат право на азил. Вторите мора да се вратат во своите земји и овие враќања се одвиваат со интензивно темпо. Минатата година беа регистрирани околу 7,000 враќања, а од почетокот на годинава веќе се извршени околу 500, при што процесот продолжува со несмалено темпо“, објасни Панајотопулос.
Според министерот за миграција и азил на Грција во моментов во земјата се згрижени 26,000 бегалци и мигратни, бројка што пред два месеци била 28,000, а во минатото достигнала и 30,000.
„Грција се соочува и отсекогаш се соочувала со притисок, но тој е издржлив бидејќи изградивме систем што може да го издржи, истакна Панајотопулос.
Слични новости
Пицула: На Србија ѝ недостига реален напредок кон ЕУ
Србија изминатите години нема вистински напредок на нејзиниот пат кон Европска Унија, изјави денеска известувачот на Европскиот парламент за Србија, Тонино Пицула, пред европратениците од Парламентарната комисија за надворешни работи.
Мицотакис: Потребно е Европа да се разбуди од геополитичката и економската летаргија
За жал, неодамнешните случувања и овој различен поглед на работите од САД веќе нè обврзуваат,не само да се соочиме со вистината, туку да се движиме со многу голема брзина и да ги спроведеме одлуките за кои долго разговараме, посочи грчкиот премиер Кирјакос Мицотакис за време на неговото учество на „Thessaloniki Summit“.
Додик: Обвинителството на БиХ ја нападна институцијата претседател и институциите на Република Српска
Претседателот на Република Српска (РС) Милорад Додик денеска пред Судот на Босна и Херцеговина во Сараево изјави дека Обвинителството на БиХ, со покренување постапка против него, ја нападнало институцијата претседател и институциите на РС