Грчкиот парламент усвои закон со кој на децата помлади од 15 години им се забранува користењето на платформите на социјалните мрежи, а забраната ќе стапи во сила на 1-ви јануари следната година, пренесуваат грчките медиуми.
Грчкиот премиер Кирјакос Мицотакис изјави дека платформите имаат два и пол месеци да го обмислат начинот за проверка на староста на корисниците и за заштита на нивната приватност.
Грција е една од седумте земји на Европската унија кои заедно со Европската комисија бараат решение за проверка на возраста на корисниците. Грција наведе дека им дава поддршка на родителите во сузбивањето на „бесконечното скролање“ кое ги лишува децата од сонот, концентрацијата и времето поминато со нивните другарчиња.
Слични новости
Техеран: Уништени над 200 непријателски дронови и авиони
Иранските системи за противвоздушна одбрана соборија повеќе од 200 непријателски летала за време на воениот конфликт со САД и Израел, вклучувајќи дронови и авиони со посади, изјави заменик командантот на Корпусот на Исламската револуционерна гарда Мостафа Изади.
Трамп: Ми се допаѓа идејата Ормутскиот теснец да се прогласи како територија на САД
Американскиот претседател Доналд Трамп изјави дека му се допаѓа идејата Ормутскиот теснец кој се наоѓа меѓу Персискиот и Оманскиот залив да се прогласи како територија на САД, навдувајќи дека Америка веќе го контролира.
Нови стравувања од ескалација: Истекува спогодбата меѓу САД и Иран, преговорите неизвесни
Меморандумот за разбирање што го потпишаа САД и Иран насочен кон окончување на војната траеше 60 дена и денеска истекува. Двете страни со недели заемно се обвинуваат за кршење на договорот и има слаби сигнали дека која и да е од страните е подготвена да го продолжи договорот.