Артан Груби, поранешен прв вицепремиер, синоќа беше пречекан со факели и димни бомби во скопски Чаир, откако Кривичниот суд му ја укина мерката куќен притвор.
Одлуката е донесена по истекот на законскиот рок од 60 дена од поднесувањето на обвинителниот предлог.
Груби и натаму има забрана за напуштање на Скопје, а судот не ја прифатил понудената гаранција за враќање на неговиот пасош.
Груби е второобвинет во предметот „Државна лотарија“ во кој обвинителството тврди дека при набавка на апарати за игри на среќа била предизвикана штета од 9,7 милиони евра.
Слични новости
Колони возила на Богородица
На граничниот премин Богородица има големи колони возила поради продолжениот викенд и за влез во Грција се чека меѓу 1 и пол и 2 часа. Движењето на возилата е забавено и поради фактот што грчките полициски служби повторно го воведоа системот за проверка ЕЕС, кој работи бавно.
Ставен под контрола големиот пожар кој од Преспа стигна до Пелистер
Пожарот што вчера избувна во Преспа и навлезе во Националниот парк „Пелистер“, во подножјето од ресенска страна, е ставен под контрола, информира ЦУК.
Заради величењето на осудениот воен злосторник Младиќ – Китановиќ може да ја изгуби директорската функција во владата
Китановиќ објави фотографија на која Младиќ е прикажан заедно со личности од српската историја, меѓу кои и Дража Михајловиќ, со натпис „Генерали на небеската војска“.