Грипот во замав, минатата седмица во пораст од 31,3 отсто

Во текот на 50. седмица од годинава, односно периодот од 8 до 14 декември, во земјава биле пријавени 126 случаи на грип и на групни пријави, што е за 31,3% повеќе од однос на седмицата претходно, соопшти Институт за јавно здравје (ИЈЗ).

Во однос на 50-та седмица од минатата сезона, односно во 2024 година, порастот е 6,8%, додека во однос на просекот на последните 15 години всушност имаме намалување на нови случаи на грип или на групни пријави за гри за 41,6%.

Заболените лица во седмицата од 8 до 14 декемвринедела се регистрирани во 15 ЦЈЗ/ПЕ, односно Тетово – 30, Куманово – 20, Македонски Брод – 18, Скопје – 15, Штип – 12, а во Гостивар, Струмица, Струга, Дебар, Охрид, Виница, Кочани, Свети Николе, Кавадарци и Кичево се регистрираат под 10 заболени лица. Највисока инциденца (178,0/100.000 жители) се регистрира во Македонски Брод.

Во однос на возраста, од 15-64 години регистрирани се 97 лица, над 65 години – 16, од 5-14 години
– 7 лица и од 0-4 години – 6 лица.

Пријавената инциденца е под неделната граница на сезонската активност на вирусот на грип (I=22.03/100.000), односно сѐ уште не е достигнат прагот на влез во сезоната на грип.

globe

Слични новости

Утрово најстудено во Берово

Утрово најстудено во Берово

Според најновиот извештај од Управата за хидрометеоролошки работи (УХМР), утрово најниските температури биле – главно – во источниот дел на земјава