Специјалниот суд против организиран криминал и корупција доцна синоќа ја потврди претходно донесената мерка, со која градоначалникот на Тирана, Ерион Велиај, останува во затворски притвор. Мерката ќе ја издржува во затворот во Драч.
Во судот повеќе од седум часа, освен Велиај беа испрашувани и неговата сопруга Ајола Џоџа и шест бизнисмени, а судското тело повеќе од два часа одлучуваше околу мерките.
На Џоџа мерката „куќен притвор” ѝ е заменета со “јавување двапати месечно во судот” а и е одземен и пасошот и ѝ е забрането напуштање на земјата.
Еден од бизнисмените доби затворски притвор, додека за останатите потврдена е првата мерка за јавување во судот.
Адвокатите за 46-годишниот Велиај побарале ослободување од притвор со парична гаранција, но било одбиено поради можноста да побегне од земјата.
Велиај кој е градоначалник на Тирана во три последователни мандата, беше уапсен во понеделникот под обвинение за пасивна и активна корупција, перење пари и непријавување имот, по што му беше изречена мерката „затворски притвор“.
Во реакција на социјалните мрежи, од притворот тој го изрази своето незадоволство од тековниот процес, нарекувајќи го нефер и апсурден, додавајќи дека „ниту тој, ни членовите на неговото семејство немаат никаква поврзаност со зборот корупција“.
Во текот на денот, за време на целата расправа, пред судот се собраа вработените во општинската администрација, како и граѓани, во знак на поддршка.
Слични новости
Отворен тестаментот на архиепископот Анастасиос, заштедата ѝ ја оставил на Албанската православна црква
По одржаниот четириесетдневен помен по неговата смрт, Синодот на Албанската автокефална црква го отвори тестамент на архиепископот Анастасиос Јанулатос
Во судири ексалираа протестите во Атина поради смртоносната железничка несреќа
Судири избувнаа во петокот во Атина кога стотици илјади луѓе се собраа ширум Грција за да побараат правда на втората годишнина од најсмртоносната железничка несреќа во историјата на земјата, а штрајковите на вработените во воздушниот, поморскиот и железничкиот транспорт ја парализираат земјата
Додик: Нема лично да се жалам на пресудата
Претседателот на Република Српска, Милорад Додик изјави дека лично нема да се жали на пресудата со која е осуден на една година затвор и шестгодишна забрана за вршење политичка функција и дека Народното собрание на Република Српска одлучило да го отфрли случајот против него пред Судот на БиХ