Горан Герасимовски, кандидатот на СДСМ за градоначалник на Општина Центар, вечерва прогласи победа. „Денес победи прогресивното, модерното, чесното, слободното и правичното, на слободни, фер и демократски избори, изјави Герасимовски заблагодарувајќи им се на сите граѓани кои му ја дадоа довербата.
Во своето обраќање, тој нагласи дека вториот мандат за него претставува уште поголема одговорност и обврска.
„Да се биде градоначалник е огромна чест и признание. Да те изберат двапати за мене значи најголемо признание и чест, уште повеќе, затоа што тоа за мене е највисока одговорност и обврска која целосно ја прифаќам и која целосно ќе ја исполнам заедно со нашиот тим“, рече тој.
Герасимовски потенцираше дека успехот на изборите е резултат на четиригодишна посветена работа, реални ветувања и отворена комуникација со граѓаните. Тој најави дека ќе продолжи со реализација на проектите кои се од интерес на граѓаните и дека Општина Центар ќе биде пример за чесно и одговорно управување.
„Ние ќе продолжиме како и досега со силен мотив и работа да ги спроведеме ветените проекти, затоа што тие им помагаат на граѓаните. Центар го подигнуваме на ново, повисоко ниво. Сите Ве уверувам, сѐ што кажавме се ќе исполниме. Ќе бидеме вистинскиот пример и за Центар и за целата држава. За резултати, за чесност, за вредност, ќе бидеме оригинален пример, но и алтернатива на сите погрешни политики“, нагласи тој.
Согласно податоците од Државната изборна комисија, од 94,23 проценти обработени гласачки ливчиња, Горан Герасимовски има освоено 52,66 % од гласовите, а противкандидатот на Движење ЗНАМ – За Наша Македонија, Мирослав Лабудовиќ 38,32 %.
Слични новости
Британска амбасада: Британско- македонското стратешко партнерство е фокусирано на продлабочување на економската и безбедносната соработка
Во врска со пишувања во некои британски медиуми и реакции во земјава за наводно отворање мигрантски кампови, Британската амбасада објави на социјалните мрежи статус со кој посочува дека двете земји имаат воспоставено Стратешко партнерство фокусирано на долгорочна политичка, економска и безбедносна рамка дизајнирана да ја продлабочи соработката и да ја зајакне стабилноста и просперитетот во двете земји
СДСМ: Не чисти СОЗР, „чисти“ семејната фирма на Томовски
Од државни институции и од општини, водени од ДПМНЕ, семејната фирма на Томовски која го менува името добила: неверојатни 5 милиони и 360 илјади евра или вкупно 161 тендери, порача на партиска конференција за медиумите Александар – Саша – Димитријевиќ, од Централен одбор на СДСМ
ВМРО-ДПМНЕ на партиски конгрес ќе го избира старо-новиот претседател
Во Кавадарци денеска се одржува 18. Конгрес на ВМРО-ДПМНЕ, на кој се очекува да биде реизбран за претседател Христијан Мицкоски – единствениот кандидат за функцијата