Голем пожар изби над приморскиот град Химара, на југот на Албанија, кој добива загрижувачки размери поради ветерот. Пламените јазици целосно пеплосaа шест куќи, неколку се опожарени, а поради опасноста се евакуирани локални жители и туристи до целосно стабилизирање на состојбата.
Интервенираат противпожарни единици од повеќе градови, 170 припадници на армијата, а во гаснењето од утрово се вклучени и два армиски хеликоптера. Според последните информации, спречено е натамошно ширење на пожарот.
Тешка беше ноќта и во округот Фиер, каде пламените јазици носени од силниот ветар и високите температури, брзо се проширија од Вадиза кон Леван и понатаму кон областа Мало Пештани (Пештан и Вогел).
Во овие области се уништени маслинови насади, борови шуми, опожарени и неколку домови, работилница и магацин за пчелни кошници и деловен објект.
Слични новости
Европската комисија го казни Гугл со 890 милиони евра
Европската комисија денеска и изрече две кази на американската технолошка компанија „Гугл“ во вкупен износ од 890 милиони евра поради кршење на Законот за дигитални пазари, откако утврди дека американскиот технолошки гигант ја злоупотребил својата доминантна позиција на сопствениот интернет пребарувач.
САД издвојуваат рекордни 1,15 трилиони долари за одбрана
Претставничкиот дом на САД го усвои Законот за овластување на трошоците за националната одбрана, со кој се одобруваат рекордни 1,15 трилиони долари за одбраната, во согласност со барањето на претседателот Доналд Трамп.
Предлог-законот беше усвоен со 216 гласа „за“ и 212 „против“, што претставува значително потесна поддршка од вообичаената
Виктор Орбан ја обвини новата унгарска влада за „тиранија“
Поранешниот унгарски премиер Виктор Орбан денеска изјави дека унгарските обвинители ги заплениле серверите на неговата партија „Фидес“ и ја обвини владата на премиерот Петер Маѓар дека воспоставува „нелегитимен“ политички систем, повикувајќи ги своите приврзаници да се спротивстават на „тиранијата“.