Акциите на азиските берзи нагло паднаа поради сè поголемата загриженост дека пошироката војна на Блискиот Исток би можела да предизвика нафтен шок што би ја поттикнало инфлацијата и би го одложило намалувањето на каматните стапки.
Поради екстремната нестабилност, утрово беше активиран механизам за „circuit breaker“, привремено запирајќи го тргувањето за да се спречи целосен пад надвор од контрола.
Одлуката на Иран да го затвори Ормутскиот Теснец предизвика паника на азиските пазари.
Јужна Кореја, економија зависна од енергија, беше првата што го почувствува влијанието поради стравот од целосно прекинување на снабдувањето со нафта.
Најголемите загуби беа забележани во Сеул, каде што тргувањето заврши со пад на пазарот од 12 проценти, најголем пад во историјата.
За два дена, референтниот индекс на Јужна Кореја изгуби повеќе од 18 проценти од својата вредност, додека валутата падна на најниско ниво во последните 17 години.
Јапонскиот Nikkei падна за 3,9 проценти, а акциите во Тајван за 4,3 проценти, бидејќи инвеститорите продаваа акции на производители на полупроводници – една од најпопуларните инвестиции во последните месеци – веројатно за да ги покријат загубите на други места и да го намалат ризикот.
Слични новости
Голем пад на европските компании на берзите
Акциите на европските компании забележаа голем пад на берзите откако САД и Израел започнаа напади врз Иран во текот на викендот. Паневропскиот СТОКС падна за 1,7 насто, при што главните берзи забележаа негативни резултати.
Ако продолжи војната на Блискиот исток цената на нафтата може да надмине 100 долари по барел
Аналитичарите предупредуваат дека повеќе немири, хаотичен вакуум во власта, напади што би го прекинале производството или продолжено затворање на клучниот Ормутски теснец би можеле да ја зголемат цената на нафтата на 100 долари за барел или повеќе.
Нафтата скокна за 8 долари по барел по конфликтот на Блискиот исток
Американската сурова нафта се зголеми за околу 8 долари за барел, или 12 проценти и таа сега изнесува околу 75 долари за барел. Цената на нафтата Брент пак скокна на 82 долари за барел.