Гниење на мозокот ( Brain rot) избран за збор на годината од Оксфорд

Оксфорд за збор на годината го избра „гниењето на мозокот“ (Brain rot). Како што објаснуваат од Оксфорд овој поим значи „затупување“ на мозокот настанот од бескрајно „скролање“ на социјалните мрежи.

Самиот израз содржи и загриженост во врска со влијанието на прекумерната употреба на неквалитетна он лајн содржина, особено онаа на социјалните мрежи.

Научниците кои се занимаваат со истражување на влијанието на интернетот врз општеството нагласуваат дека на интернет има огромно количество тривијални и неточни информации, кои токсично делуваат на нашето ментално функционирање.

Доколку се фокусираме на тие ирелевантни содржини и бараме само лесна забава на интернет, го доведуваме мозокот во опасност од гниење -метафорично но и вистинско.

Оксфордскиот збор на годината „гниење на мозокот“ треба да и обрне внимание на јавноста дека поголемиот број на луѓе живеат во зомбиран свет во кој не ги креваат главите од телефоните и постојано скролаат со палецот на лесни и бесполезни интернет содржини.