Повеќето германски деловни здруженија очекуваат згаснување на работните места во 2026 година, во услови на тековната економска криза во земјата, при што индустријата е најтешко погодена од глобалните протекционистички мерки и слабиот извоз, покажа истражувањето на германскиот економски институт IW објавено во понеделникот.
Од 46 деловни здруженија што учествувалр во истражувањето, 22 очекуваат да ја намалат својата работна сила следната година. Само девет очекуваат зголемено вработување, додека 15 деловни здруженија предвидуваат стабилни нивоа на вработеноста.
Компаниите во автомобилската, хартиената и текстилната индустрија очекуваат пад на производството поради сè поизразените протекционистички мерки, слабиот извоз и високите трошоци што ја намалија ценовната конкурентност на Германија, покажа истражувањето.
„Оние што се надеваа на брз и сеопфатен крај на економската криза ќе бидат разочарани и во 2026 година“, оцени шефот на IW, Михаел Хутер, додавајќи дека економијата „се стабилизира на пониско ниво“.
Во наредната година, корпоративните инвестиции ќе останат на ниско ниво. Според анкетата, само 11 деловни здруженија очекуваат раст на инвестициите, додека 14 предвидуваат пад, а 21 здружение очекуваат инвестициите да стагнираат на ниски нивоа.
Оптимизам за следната година покажале секторите на коишто позитивно влијае растот на трошоците за одбраната, како што се воздухопловната индустрија и бродоградбата. Компаниите во услужниот сектор, исто така, забележаа подобрување на условите во споредба со минатата година, покажува анкетата.
Очекувањата на деловните челници се малку подобрени, а анкетата покажа дека 19 здруженија очекуваат поголемо производство отколку во 2025 година, додека девет очекуваат пад. Ова е првата позитивна прогноза по неколку години.
Слични новости
Годишната стапка на инфлација во Бугарија во февруари намали на 3,3 насто
Годишната стапка на инфлација во Бугарија падна на 3,3 насто во февруари, во однос на 3,5 насто колку што изнесуваше во јануари. Ова е најниско ниво на инфлација во Бугарија од декември 2024 и одговара на прелиминарните проценки, пренесе Трејдинг економикс.
Европските акции во плус и покрај расто на цената на нафтата која е повисока од 100 долари за барел
Европските берзански индекси се во пораст и покрај високата цена на нафтата Брент која изнесува 102 долари за барел, додека берзите ја чекаат одлуката на Федералните резерви на САД за каматните стапки.
Доларот јакне, девизните пазари бегаат кон сигурност
На крајот од неделата доларот порасна за околу 0,7 отсто во однос на кошницата главни валути, додека еврото ослабе за околу 0,6 отсто и се спушти кон 1,14395 долари.