Германските компании, првенствено во индустрискиот и во трговскиот сектор, планираат да ги намалат работните места, објави економскиот институт Ifo во последното издание на своето месечно истражување.
„Пазарот на трудот е тесен“, рече Клаус Вохрабе, директор за истражување во влијателниот институт.
Индексот на пазарот на трудот според Ifo, кој ги покажува плановите на економијата да вработува или отпушта работници, во јануари изнесуваше 93,4 поени. Кога има 100 поени тоа значи дека нема да има промена. Индексот во последните години е во надолен тренд, со одредени осцилации.
Во секторите на економијата, компаниите од услужниот сектор, туризмот и угостителството покажаа мал интерес за вработување. Најголем број отпуштања се планираат индустријата и трговијата, а нешто помалку во градежништвото.
Основа за пресметување на индексот е обемниот прашалник кој Ifo го испраќа до повеќе од 9.000 германски компании од сите сектори на економијата. Прашалникот ги разгледува плановите на работодавачите за следните три месеци.
Слични новости
Саудиска Арабија излегува од рамките на нафтениот сектор, според истражување
Деловната активност во Саудиска Арабија порасна во јануари со најсилното темпо во нешто повеќе од една деценија, со исклучок на производството на нафта, покажа истражувањето на S&P Global во вторникот
Европските инвеститори претпазливи, индексите стагнираат
На европските берзи во вторник претпладнето се тргува претпазливо, при што индексите стагнираат, додека инвеститорите ја следат ситуацијата откако Вашингтон ја одложи примената на царините за увоз од Канада и Мексико, но не и од Кина
Царините на Трамп може да го намалат американскиот извоз за 22 насто
Новите царини на американската администрација на Доналд Трамп врз Канада, Мексико и Кина, би можеле да го намалат американскиот извоз за 22 насто, доколку погодените држави возвратат со контрамерки, се наведува во денеска објавената анализа на Институтот за економски истражувања од Минхен.