Германската централна банка пријави прва загуба од 1979.

Германската централна банка Bundesbank минатата година забележала загуба на билансот на состојба за првпат од 1979 година, откако брзите промени во политиката на каматните стапки во еврозоната ги исцрпија резервите на банката.

Bundesbank е во минус од околу 19,2 милијарди евра во 2024 година, соопшти централната банка во вторникот и предупреди на можни дополнителни загуби годинава, иако големината на какви било загуби се очекува да биде помала.

„Веројатно е поминат врвот на годишните оптоварувања“, изјави претседателот на Bundesbank, Јоаким Нагел на презентацијата во Франкфурт.

 

Нагел веќе предвиде слаби години кога го презентираше билансот на состојба пред една година, и предупреди дека централната банка нема да придонесува во приходите на владата: „Не очекуваме дека ќе можеме да распределуваме профит некое време“.

Германското Министерство за финансии со години рутински буџетираше за профит на Бундесбанк од околу 2,5 милијарди евра, иако тоа се промени во изминатите неколку години во услови на инфлација и флуктуирачки каматни стапки, пренесе dpa.

Нагел рече дека Bundesbank има намера да ги надомести загубите со идните профити во наредните години.

Во финансиската 2023 година, Bundesbank за малку избегна да регистрира загуба, но само затоа што беше во можност да се врати на резервациите вредни милијарди евра, а трошоците за брзиот пресврт на каматните стапки речиси ги потрошија баферите.

Влегувајќи во 2024 година, Bundesbank имаше само 700 милиони евра резерви за да ги ублажи загубите.

Почнувајќи од 2022 година, Европската централна банка (ECB) брзо ги зголеми каматните стапки во еврозоната со цел да ја контролира високата инфлација. Инфлацијата сега е далеку од рекордните нивоа, поради што ECB повторно ги намали клучните каматни стапки во еврозоната.

globe

Слични новости