Германија забележа најсилно зголемување на реалните плати минатата година од 2008 година, објави во средата Сојузниот завод за статистика во Визбаден.
„Реалните плати лани се зголемија за 3,1 отсто во споредба со 2023 година. Номиналните плати се зголемени за 5,4 отсто, а во исто време потрошувачките цени се зголемени за 2,2 отсто“, се вели во соопштението на Заводот за статистика.
Причината за најсилното зголемување на реалните плати од 2008 година, од кога статистички се следи оваа вредност, се еднократните исплати за ублажување на ефектите од инфлацијата во последните години што ги добиваа многу вработени, како и многуте, за вработените, поволни колективни договори склучени минатата година.
Во претходните години, поради пандемијата и разни глобални фактори како што е војната во Украина, реалните плати не растеа, а во 2022 година дури и се намалија.
И покрај растот на реалните плати минатата година поради бранот поскапувања во последните години, реалните плати сè уште не го достигнале нивото пред пандемијата од 2019 година.
Сепак, како што информираат од Институтот за економија и социологија (WSI), зголемувањето на платите минатата година треба да се поврзе со зголемените маржи во некои сектори за време на кризните години.
Платите се особено силно зголемени во секторите информатика и комуникации, како и во здравствениот и социјалниот сектор.
Реалните плати се зголемени за 5,3 отсто кај вработените жени.
Годинава економистите не очекуваат сличен раст како лани.
„Предуслов за силно зголемување на реалните плати е значително заживување на економската активност, што не е на повидок“, соопшти Економскиот институт во Кил.
Минатата година просечната месечна нето плата за самец без деца во Германија била 2.394 евра.
Слични новости
Волстрит падна поради пресвртите на Трамп, европските берзи растат
На Волстрит цените на акциите драстично паднаа минатата седмица поради неизвесноста околу трговската политика на Вашингтон, додека европските берзи пораснаа откако Европската централна банка дополнително ги намали каматните стапки
Швеѓаните почнуваат бојкот на американските производи како одговор на промената на политиката на САД
Серијата иницијативи за бојкот на американските производи се појави како одговор на промената на американската политика, вклучувајќи да одлуката на Вашингтон да ја прекине поддршката на Украина и да воведе царински тарифи на стоките од Европа
Повеќе од 150 000 работни места отворени во САД, иако расте невработеноста
Во Америка во февруари се отворени 150 000 работни места, но и покрај тоа, невработеноста порасна на 4,1 насто поради заканите на претседателот Трамп со трговски војни и најавите дека од САД ќе бидат вратени милиони имигранти.