По жестоката дебата во петокот, Бундестагот го отфрли предлог-законот на Христијанско-демократската унија CDU/CSU за намалување на напливот мигранти кои немаат право на азил.
Законот беше неочекувано отфрлен поради тоа што неколку десетици пратеници на Унијата и Либерално-демократската партија (FDP), која беше до пред неколку месеци дел од владата на Шолц, го отфрлија усвојувањето на законот со неопходните гласови на AfD, откако тој ден претходно мина во долниот дом.
„Законот не помина и тоа го прифаќам со жалење. Но, законот пропадна поради отпорот на социјалдемократите и зелените“, рече претседателот на Христијанско-демократската унија (CDU) и кандидатот за канцелар на CDU/CSU, Фридрих Мерц по гласањето во Бундестагот.
Рече дека се обидел да ги убеди претставниците на сегашната социјалдемократска-зелена малцинска влада да го поддржат неговиот предлог-закон со кој ќе се ограничи приливот на мигранти во Германија, но тие тоа го одбија.
„Миграциската политика на социјалдемократите и зелените дефинитивно пропадна“, рече Мерц.
Во исто време, анкетите на јавното мислење покажуваат дека мнозинството граѓани, 67 отсто, ја одобруваат иницијативата на Фридрих Мерц за заострување на миграциската политика. Мерц претстави план за драстично намалување на нерегулираната миграција по минатонеделниот смртоносен напад во Ашафенбург, во кој е осомничен Авганистанец.
Копретседателката на AfD, Алис Вајдел, по гласањето во Бундестагот рече дека тоа е „демонтирање на Унијата на CDU/CSU“ и ја доведе во прашање способноста на Фридрих Мерц да ја извршува функцијата канцелар затоа што ја „нема ни своја пратеничка група под контрола“
Одлуката на Фридрих Мерц да го протурка гласањето за законот предизвика бура од контроверзии во германската политика, бидејќи се чинеше веројатно дека Мерц ќе мора да се потпре на поддршката на крајно десничарската Алтернатива за Германија (AfD) за усвојување на законот.
Претставниците на Социјалдемократската партија на Германија (SPD) и на Зелените претходно се обидоа да го одложат денешното гласање со цел да се создаде можност за компромис за усвојување на предлогот без гласовите на AfD.
Унијата CDU/CSU се најде на удар на критиките по неjзиното барање за заострување на правилата за имиграција во Германија усвоено во средата благодарение на гласовите на AfD.
Германскиот канцелар Олаф Шолц и дел од јавноста оваа акција ја нарекоа прекршување на премолчениот договор на етаблираните партии во повоена Германија за одбивање соработка со партиите од крајните делови на политичкиот спектар.
Од средата вечерта протести се одржуваат пред ограноците на Унијата CDU/CSU ширум земјата против соработката на демохристијаните со десничарската AfD.
На три седмици пред предвремените парламентарни избори, Унијата CDU/CSU води во анкетите на јавниот радиодифузен сервис ARD со 30 отсто, а по неа е AfD со 20 отсто. Социјалдемократите и демократите се околу 15 отсто поддршка, и двете партии.
Слични новости
Трамп вели дека царините за Мексико и Канада можеби нема да ја вклучуваат нафтата
Американскиот претседател Доналд Трамп во четвртокот изјави дека наскоро ќе одлучи дали да го исклучи увозот на канадска и мексиканска нафта од царините од 25 отсто што тој се закани дека ќе ги воведе во саботата на производите од тие земји
Рубио: Интересот на Трамп за Гренланд „не е шега“
Интересот на американскиот претседател Доналд Трамп за купување на Гренланд „не е шега“, рече државниот секретар Марко Рубио во интервјуто во четвртокот, додавајќи дека стекнувањето на Гренланд е во национален интерес на САД и дека тоа прашање треба да биде решено
Израел ги ослободи палестинските затвореници по одложувањето по хаотичното предавање на заложниците
Хамас во четвртокот ослободи тројца израелски и пет тајландски заложници во Газа, а Израел почна да ослободува 110 палестински затвореници откако го одложи процесот поради хаотичните сцени на едно од местата за предавање каде што толпи луѓе се насобраа околу заложниците