Во петокот во Берлин почнаа прелиминарните разговори за формирање германска коалициска влада меѓу Унијата на демохристијаните CDU/CSU и Социјалдемократската партија на Германија (SPD).
Според информациите на агенцијата dpa, првата средба на водечките претставници на Унијата на CDU/CSU и SPD, предводена од кандидатот за канцелар на Унијата и претседател на Христијанско-демократската унија (CDU) Фридрих Мерц и потпретседателот на SPD, Ларс Клингбејл, треба да ја елиминира „атмосферата на несогласување“ создадена за време на изборната кампања.
Покрај Мерц и Клингбејл, во преговорите од секоја страна учествуваат вкупно девет преговарачи, вклучувајќи ги и генералните секретари на партијата и премиерите на некои од поважните сојузни држави.
Веднаш по изборната победа минатата седмица, на која Унијата CDU/CSU освои 28,5 отсто од гласовите, втор најслаб изборен резултат во историјата на партијата, Мерц најави дека поради огромните задачи и на внатрешен и на надворешнополитички план, сака што побрзо да формира функционална влада, по можност „до Велигден“, која годинава се паѓа на 20 април.
Според информациите на јавниот сервис ARD, разговорите почнале порано од планираното, што укажува на желба за што побрзо формирање влада.
Потпретседателот на SPD која стана само третата по сила партија во Германија со катастрофални 16,5 отсто од гласвоите, во исто време рече дека SPD сака преговори, но нема да влезе во коалициска влада по секоја цена.
Првичните разговори треба да утврдат и прелиминарен распоред за преговорите. Се проценува дека контроверзните теми би можеле да вклучуваат прашања за миграцијата, како и новото задолжување.
SPD, исто така, сака да ја запре нерегуларната миграција, но ги смета плановите на Унијата CDU/CSU да ги одврати сите мигранти на границата неуставни.
Слични новости
Пакистанските сепаратисти земаа 182 заложници
Безбедносните сили соопштија дека се слушнала експлозија во близина на тунелот и дека имало размена на оган со милитантите во планинската област
ЕУФОР: Распоредуваме воено засилување во БиХ
Военото засилување на ЕУФОР во Босна и Херцеговина почна да пристигнува, потврди во вторникот командата на силите на Европската унија во Сараево
Фон дер Лајен: Урнати се илузиите за европската безбедност
Илузиите за безбедноста на Европа се урнати и Европската унија мора веднаш да почне да инвестира значително повеќе во својата одбрана, изјави во вторникот претседателката на Европската комисија, Урсула фон дер Лајен, во обраќањето пред Европскиот парламент