Српскиот претседател Александар Вучиќ синоќа најави дека за неколку дена САД ќе воведат санкции против Нафтената индустрија на Србија (НИС) поради руската сопственост на компанијата, а на санкциите ќе им се придружат и Британците, пренесува Бета.
Вучиќ во гостување на РТС рече се уште не го видел официјалниот документ со кој САД воведуваат санкции против НИС, но дека преку „официјален канал“ бил информиран дека тоа ќе се случи на 1 јануари.
Српскиот претседател оцени дека мајавата за санкции доаѓа во тежок момент, но дека владата на Србија ќе разговара со САД и Русија и ќе се потруди да одржува добри односи со двете земји.
На прашањето дали одлуката Белград да воведе санкции кон Москва нешто ќе промени, Вучиќ рече дека не е подготвен да разговара за тоа и дека Србија ќе продолжи да води „принципиелна политика“.
Слични новости
Главчев: Бугарија го поддржува приемот на Западниот Балкан во ЕУ доколку се исполнат поставените услови
Конкретно кога станува збор за Северна Македонија, го имаме т.н. компромис од 2022 година, направен од наша страна. Тој е веќе европски (услов), потпишан од сите држави членки на Европската унија, вклучително и од Бугарија како земја членка, плус од Северна Македонија и нема за што да преговараме. Нашата позиција е непроменета, рече Главчев.
Калас: Сакаме да видиме напредок во процесот на проширување на ЕУ
Западниот Балкан е многу важен за Европската Унија, бидејќи тој географски и припаѓа на Европа и затоа е многу важно да ги унапредиме нашите односи, порача високата претставничка на ЕУ за надворешни работи и безбедносна политика Каја Калас при пристигнувањето на Самитот ЕУ-Западен Балкан во Брисел
Кошта: За сите нас проширувањето на ЕУ е приоритет и сме посветени на тоа
Бидејќи припаѓаме на исто европско семејство, делиме континент и што е најважно, заеднички вредности и заедничка историја. Второ, затоа што проширувањето е приоритет за сите нас. Ние веќе сме посветени на проширувањето и сите веруваме дека проширувањето е најважната геополитичка инвестиција во мирот, безбедноста и просперитетот, истакна Кошта.