Грчките пратеници претпладнево одново ќе гласаат за претседател на државата, откако во саботата, при првото гласање, ниту еден од четворицата кандидати не го доби потребното двотретински мнозинство, нешто што се очекува да се случи и на денешното второ гласање.
На првото гласање во саботата ниту еден од четворицата кандидати не доби најмалку 200 гласа од вкупно 300 пратеници, со што денеска ќе следи второ на кое повторно ќе биде потребно двотретинско мнозинство.
На првото гласање во саботата најмногу гласови од четворицата кандидати доби поранешниот претседател на парламентот од Нова Демократија Константин Тасулас 160. Кандидатите на СИРИЗА Лука Кацели и на ПАСОК Тасос Јаницис добија 40 , односно 34 гласови.
Според грчкиот Устав во првите три гласања за да биде избран претседател на републиката е потребно двотретинско мнозинство.
Доколку ниту еден од кандидатите не добие двотретинско мнозинство, на четвртото глсање е доволно просто мнозинство од 151 глас, кога се очекува Тасулас да биде избран за нов претседател на Грција.
Слични новости
Италијанскиот суд повторно ја блокираше одлуката на Мелони за приведување мигранти во Албанија
Судот во Рим денеска повторно нареди групата мигранти која е притворена во камповите во Албанија да биде преместена во Италија, наведуваат судски извори, што е најнов удар врз планот на премиерката Џорџа Мелони за сузбивање на илегалната имиграција по морски пат.
Вучиќ: Можете да ме убиете, но нема да има преодна или експертска влада
Српскиот претседател Александар Вучиќ вечерва во Трстеник изјави дека нема да има преодна или привремена влада. Тој додаде дека може да има избори или референдум, но додека тој е жив нема да има сервилна влада предводена од белосветски крадци
Низа училишта во Грција добиле лажни заканувачки мејлови, испратени од Русија, за поставени бомби
Заканувачки мејлови за поставени експлозивни направа, кои се покажале како лажни, утрово биле испратени во низа грчки училишта, а истрагата покажала дека се испратени од седум ИП адреси од Русија, информираа од Министерството за образование, религија и спорт на Грција