Очекувано, стопроцентна е селекцијата на Англија, откако ја совлада Летонија со 3:0 (1:0) како домаќин во групата Л. Головите ги постигнаа Џејмс (38), Кејн (68) и Езе (75). Во таа група и Албанија ја победи Андора со 3:0. Англија е на врвот во групата со шест бодови, Албанија и Летонија имаат по три, додека Србија која сѐ уште не ги започнала квалификациите и Андора немаат бодови.
И фудбалската репрезентација на Босна и Херцеговина го задржа стопроцентниот учинокот по второто коло од квалификациите за Светското првенство 2026 година во САД, Мексико и Канада, откако во Зеница го совлада Кипар со 2:1 (1:1).
Демировиќ во 22. минута ја доведе БиХ во водство, Питас во втората минута од судиското продолжение на првото полувреме израмни на 1:1, а Хајрадиновиќ во 57. минута погоди за конечните 2:1.
Со оваа победа избраниците на Сергеј Барбарез го подобрија успехот на гостински терен против Романија пред три дена и водат во групата Х со шест бода. Романија која како гостин го совлада слабиот Сан Марино со 5:1 и Кипар имаат по три бода, додека Австрија која сѐ уште нема одиграно ниту еден натпревар и Сан Марино се без бодови.
Полска е на врвот од групата Г со очекуваната победа од 2:0 (1:0) на домашен терен против Малта, а двата гола ги постигна Швидерски (27, 51). Полска има шест бода, два повеќе од второпласираната Финска, која ремизираше 1:1 на гостувањето кај Литванија претходно во понеделникот. Тоа беше прв бод за Литванија, а без бодови се Холандија, чии први квалификациски натпревари ги очекуваат во јуни, и Малта.
Слични новости
Кошркарот на Далас Кајри Ирвинг успешно опериран
Ирвинг се повреди на 3 март за време на првата четвртина од натпреварот во НБА против Сакраменто и ги скина предните лигаменти на левото колено. Оваа сезона во НБА лигата имаше просек од 24,7 поени, 4,8 скока и 4,6 асистенции по натпревар.
Џесика Пегула и Арина Сабаленка во женското финале на Мастерсот во Мајами
Американската тенисерка Џесика Пегула се пласираше во финалето на Мастерсот во Мајами откако утринава во полуфиналето ја победи Филипинката Александра Ијала со 2:1 во сетови ( 7:7, 5:7, 6:3). Пегула која е четврта тенисерка на светот се намачи во меч што траеше два и пол часа против Филипинката Ијала која е 140 -та на ВТА листата.
Џош Гиди со кош од половина терен во последната секунда му донесе победа на Чикаго против Лејкерс
Во последниот напад за Лејкерс Остин Ривс постигна кош на 3 секунди пред крајот, Чикаго немаа тајм аут и ја изведоа топката од под кошот до Гиди кој од сопствената половина постигна тројка во последната секунда од мечот за победа на Булс.