Американскиот Врховен суд во средата ја преиспитуваше легалноста на царините во случајот којшто има импликации по глобалната економија и е голем тест за моќта на претседателот Доналд Трамп.
И конзервативните и либералните судии го прашаа адвокатот што ја претставуваше администрацијата на Трамп дали претседателот ги пречекорил овластувањата на Конгресот да воведува царини според закон од 1977 година, наменет да се користи за време на национални вонредни состојби.
Но, некои од конзервативните судии, исто така, покажаа дека се борат да ја препознаат вродената моќ што ја имаат претседателите во односите со странски земји, што сугерира дека судот би можел да биде остро поделен во врска со исходот од случајот, објави Reuters. Судот има конзервативно мнозинство од 6-3.
За време на расправата, која траеше повеќе од два ипол часа, судиите го прашаа адвокатот Ди Џон Сауер дали одлуката на Трамп бара експлицитно одобрение од Конгресот.
Пониските судови пресудија дека без преседан на употребата на федералниот закон за вонредни состојби од 1977 година од страна на Трамп како покритие за воведување царини ги надминува претседателските овластувања.
Тужби поднесоа компании погодени од царините и 12 американски сојузни држави, главно предводени од демократите.
Некои од конзервативните судии, исто така, поставија остри прашања до двајца адвокати, Нил Катјал, кој ги застапува компаниите, и Бенџамин Гутман, кој ја претставува сојузната држава Орегон, една од државите вклучени во случајот.
Трамп се повика на Законот за меѓународни економски овластувања во вонредни состојби, или IEEPA, за да воведе царини за речиси секој трговски партнер со кој САД имаат трговски дефицит. Законот му дозволува на претседателот да ја регулира трговијата за време на национална вонредна состојба. Царините за увезена стока би можеле да генерираат трилиони долари за САД во следната деценија.
Сауер рече дека Трамп утврдил дека трговскиот дефицит на САД ја довел нацијата на работ на економска и национална безбедносна катастрофа. Тој, исто така, рече дека воведувањето царини му помогнало на Трамп во преговорите за трговските договори, а откажувањето на тие договори „ќе нè изложи на безмилосната трговска одмазда од многу поагресивни земји и ќе ја одведе Америка од власт во пропаст, со катастрофални економски и национални безбедносни последици“.
Противниците на Трамп тврдат дека Уставот на САД му дава на Конгресот а не на претседателот, овластување да воведува даноци и царини. Администрацијата тврди дека IEEPA ги дозволува царините, овластувајќи го претседателот да „регулира“ увоз за решавање на вонредни состојби.
Наметнувањето даноци на Американците „отсекогаш било фундаментална моќ на Конгресот“, му рече конзервативниот главен судија Џон Робертс на Сауер.
Конзервативната судијка Ејми Кони Барет го праша Сауер кои се неговите аргументи дека формулацијата на IEEPA што му дава на претседателот вонредни овластувања за „регулирање на увозот“ вклучува царини.
Трамп е првиот претседател што го користи IEEPA за воведување царини, еден од многуте начини на кои ги помести границите на извршната власт откако се врати на функцијата. Тој го стори тоа во голем број области, од справување со имиграцијата, отпуштање на службеници на федералните агенции и распоредување на војската во земјата.
На Врховниот суд обично му требаат месеци за да донесе одлуки откако ќе ги сослуша аргументите, но администрацијата на Трамп побара од него да дејствува брзо во овој случај.
Слични новости
САД се оптимисти околу преговорите за Украина
Администрацијата на американскиот претседател Доналд Трамп е „мошне оптимистична“ во врска со постигнувањето договор за окончување на војната во Украина, изјави портпаролката на Белата куќа Керолајн Ливит.
Полицијата ги пребарува изгорените облакодери во Хонгконг, досега има 146 мртви
Властите во Хонгконг во понеделникот продолжија со потрагата по преостанатите облакодери уништени во масивен пожар во кој загинаа најмалку 146 лица, а стотици се раселени и сега се прилагодуваат на животот во привремени засолништа
Над илјада мртви во разорна тропска бура во Азија
Спасувачките екипи од Индонезија, Тајланд, Малезија и Шри Ланка работат напорно за расчистување на патиштата и доставување помош до луѓето погодени од тропската бура која одзеде повеќе од илјада животи во Југоисточна и Јужна Азија