Во Лос Анџелес во неделата навечер беа доделени Греми наградите, а апсолутен победник на вечерта е Бед Бани со албумот „Debi Tirar Mas fotos“, кој беше прогласен и за албум на годината. Ова е за прв пат албум на шпански јазик да ја добие Греми наградата во најпрестижната категорија.
Бед Бани беше награден и за најдобар албум од урбаната музика, а беше номиниран и во категориите „песна на годината“ и „рекорд на годината“.
За песна на годината Греми наградата ја доби Били Ајлиш за „Wildflower“. Пејачката во говорот по освојувањето на наградата силно ја критикуваше политиката на Трамп против имигрантите и порача дека „никој не е илегален на украдена земја“, нагласувајќи ја важноста на јавно спротивставување, борба и протест.
На церемонијата успех остварија и Кендрик Ламарчиј албум “GNX” беше прогласен за најдобар албум во рап категоријата, како и Лејди гага чиј албум “Mayhem”ја освои наградата за најдобар поп вокален албум.
Греми наградата се доделува од 1959 и важи за најпрестижното признание во музичката индустрија.
Слични новости
Шпанија го забранува пристапот на социјални мрежи за деца помлади од 16 години
„Нашите деца се изложени во простор во кој никогаш не требаше сами да се снаоѓаат. Тоа веќе нема да го толерираме. Ќе ги заштитиме од дигиталниот Див запад“, порача Санчез.
Објавен трејлерот на „Ѓаволот носи прада 2“
Во филмот кој повторно е посветен на модната индустрија, 20 години подоцна повторно играат Мерил Стрип, Ен Хатавеј, Емили Блант и Стенли Тучи од оригиналниот каст.
Трамп најави тужба против водителот на церемонијата на доделувањето Греми наградите
Намалку десет уметници на доделата на наградите Греми во Лос Анџелес го критикуваа Доналд Трамп и неговата политика, особено кон имигрантите, а голем број музички ѕвезди носеа значки на кои пишуваше „ИЦЕ надвор“.